Schriefster van de maond oktober 2006
| Jannie Boerema is op 1 jannewaori 1946 in Nörg geboren. Zij
komp oet een boerenfemilie. Dat ze nao heur schoelopleiding bij een
boekhandel an ’t waark geeit, is gien toeval. Ze holdt van boouken. As ze
een paor jaor laoter as au pair naor Engeland geeit, gruit heur
belangstelling veur de Engelse taol en cultuur. Weerom in Drenthe hef ze in
verscheiden dörpen in Noordenveld woond. Tegenwoordig woont ze in Zeijen. In 1980 kommen der tweei Hollaandse boouken oet van Jannie Boerema. Ze zeg zölf dat ze veul had hef an het contact dat ze had met de Drčentse dichter Hans Heijting. Deur hum begunt ze ok in heur mooudertaol, het Noordenvelds, te schrieven. Dit waark komp in Roet, Oeze Volk en een paor blooumlezings. Begun jaoren '90 wordt Jannie Boerema redacteur van het Maondblad Drenthe. Ze maokt veur dat blad interviews met spraokmaokende Drenten.. |
 |
Jannie Boerema is op verscheiden meneren betrökken bij de Drčentse taol en cultuur. Zij hef liedteksten schreven, Agatha Christie, Shakespeare en Oscar Wilde en körsleden Brecht vertaold in het Drčents; ze is ok beëdigd tolk-vertaoler Drčents en Engels.
 |
De eerste Drčentse bundel, 'Leeid van de sirene', besteeit oet körte prozateksten en gedichten. Het thema is tweeiledig: ’t verlangen naor de leeifste en het besef van onmacht om de leeifde in staand te holden. 'Een roze wolk, een sprookiesboouk veur volwossenen', waor of de schilderijen van Kees Thijn gooud bij ansluten, kwam oet in 2000. In april 2005 kwam 'Over de regenboog' oet. Een gedichtenbundel waor kleur een belangrieke rol in speult. |
 |
◄ In oktober 2006 hef Drentse Taol een schrieverspetret van Jannie Boerema prissenteerd in De Klokbeker in Nörg. Albert Haar van Rikrak Communications hef de dvd maokt. Dizze dvd/video kuj bestellen bij Stichting Drentse Taol; 0592-381173 of drentsetaol@pbcdrenthe.nl |
Hieronder kuj een keur oet Jannie zien waark lezen.
 |
Ogen As ik mien ogen dicht doou dan kan ik je anraoken veuil ik traonen op je wang dan veeg ik ze vot met de binnenkaant van mien haand |
Woorden op de goldschaol
Woorden op de goldschaol
Het is een odyssee
dit boouk van vloeibaor lange daogen
en het duurt maor; dat
riegels woorden wegen
van de bodem vortslaogen
As ik zunder geluud was
dan zul de echo niet bestaon
as jij gien stem meer hadden
dan dee ’t niet zo verrekte zeer
tot dwaars de bodem deur
Dit boouk van vloeibaor lange daogen
is een hels en ketsend odyssee
en het duurt maor;
en het duurt maor, dat
wurgende wegen van woorden
tot op de bodem van de goldschaol
Oet: Strčupers van de taol
Leeg laand
Daor waor het laand leeg lig
is het altied waoter
en onder de waoterspeeigel
zeei ik je liggen
As het waoter rimpelt
lieken je ogen scheeif
gekrulde raompies
en je holden ze dicht
tusken mien doem en wiesvinger
trek ik an je wimpers
en maok je ogen lös
nou je mij niet zeein willen
laot ik je zeein
hoou ik as waoter
brak en broken
mij vaast heuil an het riet
in het vloeiende waoter
breek ik je ogen
en de vliezen stollen
de wimpers op je wang
En het waoter is altied
daor waor het laand leeg lig
en as ik bij je langes loop
zal ik je liggen laoten
Oet: Strčupers van de taol
Ik wil wel
stofzoegen
en bedden opmaoken
en sokken wassen
en jenever inschenken
en pudding koken
en de kat kammen
en lang waachten
en heksen
en eier
en mien ogen
blauw vaarven
op goeie vrijdag
as hij dan maor
as hij dan maor
mien
papaarse rooie jurk
oet trekt
Oet: Strčupers van de taol
Tusken blauw en rood
Ik wil niet langer weeiten
dat jij zo breekbaor waren
hoou gooud ik ’t har
Dat ik gelukkig was
Ik wil niet langer weeiten
hoou breekbaor as ik was toen
was jij der veur de leeifste.
Dat ik dat was
Ze kun ’t misschien niet weeiten
hoou breekbaor as jij waren
ze kun het breekbaor niet verdraogen.
Dat wij dat waren
Oet: Over de regenboog
Een hommage aan Berend Olfert Groen
‘Over de regenboog’ is een eerbetoon an Berend Olfert Groen, de schilder die in
Zeyen woonde en in 2003 oet de tied kwam. Berend Groen schilderde en tiekende
veural Noord-Drčentse landschappen, miestal met beekies. Hie leut over ’t
algemien alle begruiing vort, waordeur zien schilderijen slim naor de oorsprong
weerum gungen. Een warkstuk van Berend Broen stiet op het umslag van ‘Over de
regenboog’.
Viefschaftsnei
Veurin het boek, op de bladziede waor ok stiet dat het een hommage an Berend
Groen is, is het begun van het gedicht ‘Viefschaftsnei’ ofdrukt. Dat wil wij je
hier ok niet ontholden.
Har ik je oppakt
en op handen draogen
ik was in boeten gaon
har ik je in de snei henlegd
Ik har een naom
zolang ik leef heb ik een naom
in klank en alle kleuren van de regenboog
◄ weerum naor het thoesblad