Henk Nijkeuter (1956)

Aw het hebt over Drentse taol, taolwetenschap, Drentse literatuur en literatuur-underzuuk, dan kow vanzölf terecht bij dr. H. Nijkeuter. Wij kent hum beter as Henk Nijkeuter oet Geeiten. Hie is daor geboren in 1956. Zien geboortedörp is e ok trouw bleven, want hie woont der nog aaltied en het zöt der ok niet naor oet dat dat ooit veraandern zal.   Nao de legere schoel en het veurtgezet underwies hef Henk Nederlandse taol en letterkunde studeerd an de universiteit in Grunning. Hiernao is e as docent Nederlands verbunden wčest an schoelengemienschappen in Ter Apel en Stadsknaol en de Pedagogische Academie 'De Eekhorst' in Assen. Beweugen en bevleugen is Henk Nijkeuter wat de Drčentse taol en Drčentse literatuur anbelangt. Dan hew het niet allčn over literatuurunderzuuk oet de historie, maor ok over zien zörg over het levend holden van de Drčentse taol in de toekomst.

Toch hef e zien grootste bekendheid verwörven met zien proefschrift: 'De pen gewijd aan Drenthe's dierbren grond, literaire bedrijvigheid in de Olde Lantschap, 1816-1956'. Tien jaor wetenschappelijk verantwoord wruten en zwieten hef een standaardwark van meer dan zeuvenhonderd bladzieden opleverd over Drentse literatuur gedurende een periode van honderdvirtig jaor. Henk Nijkeuter verzaomelde en bewarkte gegevens van meer dan honderd bekende, vergeten en onbekende auteurs.

Niet allčn Drčentstaolige schrievers, maor ok Nederlandstaolige auteurs die op Drenthe betrökken waren, zoas Anne de Vries en Ben van Eijsselstein. Zien standpunt over het nooit as zodaonig erkende en umstreden Drčentse volkslied van Uilenberg is hiel wat dudelker dan dat van aandere Drčentse prominenten die een discussie op dit punt liever oet de weg gungen: ien gemienschappelijk ideaol veur Drenthe stun jao boven alles!

Bij Drentse Taol, waor e ok nog een poosien warkte, hef e zuch inzet veur het Drents Letterkundig Documentatiecentrum.

Umdat literatuurunderzuuk bij Henk nogal dominant naor veuren komp, dreigt zien eigen gedichten wat underbelicht te blieven. Het schrieven van gedichten in het Drčents is veur hum een middel um zien emoties zo direct meugelk under woorden te brengen. Hie prebeert met weinig woorden zo veul meugelk te zeggen; de bosschup möt simpel en ienvoldig wezen. Het maken van keuzes is een underwarp dat Henk Nijkeuter bereurt. In het gedicht Kruuspunt hef e zien gevuul daorover weergeven.

Kruuspunt

Zo vaok kom ik bij kruuspunten van wegen,
moet ik kiezen
waor gao ik hčn?
en gien één
die raod gef
of met veult,
altied weer zee ik eilanden
an 't einde van de kaort
maor kies ik veur de weg terug.
Bang en zwoor
wor ik 'n zwarver
in mien eigen leven.

◄ weerum naor het thoesblad