Gedicht deur Börke®oel
Schriever en dichter was Roel Reyntjes
Schreef veur de groten en de kleintjes
’t Was ‘n papieren charmeur
Gaf an zien verhaolen en gedichten zo veul kleur
Hej was ’n professor in de letterties
Begenaodigd schriever en taolwies
Schreef over de daogelijkse dingen
Zo mooi, as ‘n soort van zingen
‘n gezang over de dood, en het leven
Hej sleu niks over, hef over alles schreven
Zien Drenthe,de liefde en de natuur
Veule noten had hej nog te schrieven op zien partituur
Hej wol nog zoveul an oes kwiet
Maor het ontbrak Roel Reyntjes an tied
‘n stark karakter met ’n iegen willegie
Die schreef zo as hej het bezag, deur zien kleine brillegie
Het is veur de Drentse litteratuur een groot gemis
Dat Roel Reyntjes niet meer under oes is
◄ weerum naor het thoesblad