Gedicht deur Rikus Kiers
Ik zit in mien kantoor
En kiek deur het glas
Daor stiet een kleine proemenboom
Hie hef de kleur en ’t gruun, en ’t broen
Zoas het vroeger was
Ik heb dit kleine stukkien Drenthe
Hielemaol naor hier verpoot
Het was een stekkien
Van d’olde proemenboom
En die olde, die is dood
Ik hoop da’k ooit
Van dizze boom
Een stekkien weer kan zetten
Argens in Drenthe
Waor ik dan opnei woon
◄ weerum naor het thoesblad