Gedicht deur G. Assen
Zo lu, hej het ok al lezen?
De NAM kan oeze öllie weer winnen.
Zie kunt het weer, ’t is bewezen,
In 2010 giet het weer beginnen.
Toch wal weer met hiete stoom,
Dat is toch ok al eerder perbeerd?
Zie dachten: “Dat stiet as een boom!”
Mar nee, do hebt zie zuch wat bezeerd.
Non hebt zie een veul betere techniek,
Met pompen van wal 15 meter hoog,
Toch word ik hiervan een beetie ziek,
Straks haost gien jao-knikker meer in ’t oog.
Goh, wat gau’w die toch arg missen,
En hoe zul het gaon met De Boô?
Lau’w oes der toch van gewissen,
Aans moew mar hen de Willems-Boô.
◄ weerum naor het thoesblad