Taol an Taofel in Nörg 06-03-2008

Op zundag 30 meert is in hotel-restaurant De Klokbeker in Nörg de leste Taol an Taofel van dit winterseizoen. Dizze reis treden Egbert Hovenkamp (stadsdichter van Assen), Gerard Stout (proza) en zanger Geert Jan Brader op. Lees wieder (Nederlaandstaolig persbericht).

▲ Het is zowat klaor... 04-03-2008

Bijgaond foto's van dinsdag 4 meert. Jan en jan bint drok an 't stellingen plaotsen. Der wordt vloerbedekking legd en bero's wordt in mekaar schroefd...

Streektaol in de bibliotheek in Klazienaveen 27-02-2008

Het is bijkaans al weer meert en dat holdt in dat de streektaol weer een maond lang in de schienwarpers stiet. Zo ok in de Openbaore Bibliotheek op Klazienaveen. Op vrijdagaovend 14 meert ankommend is daor een streektaolaovend waoran de Drčentse schrievers Suze Sanders en Anne Doornbos metwarken. Lees wieder.

◄ ▲ Zowat klaor 27-02-2008 Bijgaonde foto's bint maakt op dinsdag 26 febrewaori lestleden. De schilders bint nog gangs, hier en daor mot nog een plaat in het systeemplafond vervangen worden, der moet nog wat spots anbracht worden, maor de dikste put is deroet. Vrijdag 29 febrewaori is de oplevering. In 't weekčende van ien meert wordt de vloeren liekstreken deur de stoffeerder. Maandag 3 meert wordt overal de vloerbedekking legd en wieder in die week komt de keuken, de bero's, de kasten, de boekenkast en alles wat aj in een kantoor maor neudig hebben kunt. Wordt vervolgd...

Dag van de moedertaolen 21-02-2008

Dunderdag 21 feberwaori is de dag van de moedertaolen en 2008 is ’t Jaor van de Taolen. Lees meer op http://www.talenfestival.be/nl_bestanden/Page1173.htm

Dagblad Streektaolpries 13-02-2008

De Dagblad van het Noorden Streektaolpries wordt van ’t jaor in tweei categorieën oetlangd: veur meziek en veur een boouk. Dat hef de jury van de streektaolpries bekendmaokt. De reden daorveur is dat er in 2007 zo veul streektaolboouken en speeigelplaoties oetkommen binnen.

Van ’t jaor staon der twintig titels op de laangliest veur de DvhN Streektaolpries (1001 euro): zeuven cd's en dartie boouken (poëzie, proza, non-fictie en kinderboouken). Lees wieder (worddocument).

Neie debuut-cd van Margaretha Kleine: Drok 31-01-2008 Margaretha Kleine timmert al een jaor of wat an de weg. Zij hef al een paor Drčentse singles oetbrocht zoas ‘Der is niks' en ’t Giet wel over’, mor dunderdag 31 jannewaori wordt in café De Amer in Aomen heur eerste cd met de titel ‘Drok’ prissenteerd. Saomen met de muzikanten Jeff Zwart (gitaar), Peter Deiman (percussie) en Paul Bergman (toetsen) speult en zingt Margaretha Kleine oet Schonbek de sterren van de hemel.

Margaretha: ,, De nummers die op het album staon, binnen een saomenvatting van de leste dreei, veer jaor van mien leven. Met de single ‘Der is niks’ is ’t almaol begonnen, dat leeidtie steeit er op, mor je kunnen ok een breekbaor leeidtie heuren as: ‘k Weet zeker dat aj wacht’.
,,Het is nooit de bedoeling west dat er zo veul tied tussen ’t oetbrengen van de singles en de cd zitten zul, mor aj ’t serieus anpakken willen en een goeie plaot maoken willen - kost dat geld én tied.”
Het album is opnomen in de studio van Syb van der Ploeg (eerder zanger van De Kast). Nico Outhuijse (eerder drummer van De Kast), zat an de knoppen in de studio. ,,Nico is een genie. Hij hef zo zien best daon. En dat kuj heuren. Dit is wat we in de kop hadden, doe wij veur jaor begonnen binnen” zo zeg Margaretha Kleine.

Egbert Hovenkamp neie Asser stadsdichter 31-01-2008 Egbert Hovenkamp II zal de kommende tweei jaor stadsdichter van Assen weden. Aacht kandidaoten hebben wonsdag 30 jannewaori heur best daon om de neie stadsdichter van Assen te worden. In het Theatercafé van het ICO in Assen hebben ze almaol dreei gedichten veurdraogen.

Negen kandidaoten: Egbert Hovenkamp, Mariska van Gennep, Geert Loman, Peter Siebesma, Chrisan Laarman, Abel Jagersma, Camiel van der Molen, Ralf van Amstel en Mart Brok wolden geern de neie stadsdichter van Assen worden. Mart Brok is lestdaogs de stadsdichter van Coevern worden en hef hum daorom terugtrokken as stadsdichter veur Assen. De juryleden Henk Nijkeuter, Roelof Huisman en Raymond ten Berge vonden dat Egbert Hovenkamp op basis van veurdracht, gedichten en tweeitaoligheid de beste keur was.

An ’t čende van de aovend hef Erik Harteveld ofscheid nommen as stadsdichter van Assen met een prachtig gedicht over Assen. Nao tweei jaor zit ’t derop. Hij hef in dizze periode vieftie gedichten schreven onder andern over de opening van Openluchttheater Tivoli, het ofscheid van burgemeester Van As en de eerste Stadsbeiaardier, de komst van de Champ Cars en de sluting van cultuurcentrum De Kolk. De gedichten die Harteveld as stadsdichter schreven hef, worden opnomen in een gedichtenbundel die in mei oetkomp bij oetgever De Kleine Uil. Wieder hef Harteveld in 2006 het initiatief nommen veur de bundel TT-Poëzie met gedichten van noordelijke dichters over de TT.

Met een maond of wat wordt Harteveld as eerste stadsdichter eerd veur zien inzet en betrokkenheid bij Assen. Zien gedicht ‘Het Carillon’ zal laoter dit jaar plaotst worden op een plaquette in de binnenstad. De gedichten van Erik Harteveld binnen te vinden op: www.assen.nl/cultuur/stadsdichter.

▲ Nei logo! 24-01-2008 Stichting Het Drentse Boek, Oeze Volk en Stichting Drentse Taol kommen in meert in eein gebouw. Daor heurt vanzölf ok een nei logo bij. Dit is ’t worden. Wij binnen der wies met.

Lofprijs en Sofprijs 2007 23-01-2008 De kandidaoten veur de Lofpries en de Sofpries 2007 binnen bekend. Dat, aj stemmen willen moej even naor de webstee van de Stichting Nederlands gaon. De Lofpries is veur eein die in 2007 de de Nederlaandse taol haalf staon hef. De Sofpries veur wel de Nederlaandse taol schao tooubrocht hef.

Minister-president Jan Peter Balkenende is kandidaat veur de Lofpries mor ok veur de Sofpries. Hij is veurdraogen as kandidaot veur de Sofpries, omreden hij in september ’t academische jaor in Wageningen lösdaon hef in ‘t Engels. Lofkandidaot is e worden omdat e leider is van een kabinet dat ‘t Nederlands in de grondwet wil opnemen. Aander kandidaoten veur de Sofpries binnen Ronald Plasterk, de stichting Her World, de Technische Universiteit Delft en de gemeeinte Amsterdam. Thomas von der Dunk, Jozef Deleu, CDA-Kaomerlid Maarten Haverkamp en ‘t Meertens Instituut maoken kaans op de Lofpries van de Nederlandse Taol.

Webstee Lofpries en Sofpries 2007: http://nieuwsbrief.taalpost.nl/r/tp.plx?2390-747

Onderscheiding veur Rieks Siebering 23-01-2008 Bestuurslid Rieks Siebering is zaoterdag 19 jannewaori onderscheiden met het ereteeiken van ’t Huus van de Taol veur zien grote verdeeinsten veur de streektaol. Rieks hef zowat twintig jaor metwaarkend bestuurslid west van Stichting Het Drentse Boek, mor hij hef noe ofscheid nommen as bestuurslid. Rieks is prissentator van Taal aan Tafel op Veeningen, redacteur van de Taolkraant en Drčents schriever. Veur zien grote verdeeinsten veur de streektaol hef Rieks as eerste het ereteeiken van het Huus van de Taol opspeld kregen deur Marga Kool.

▲ Neijaorvesiet Huus van de Taol 23-01-2008

In ’t verleden had Stichting Drentse Taol altied een čendejaorsfeesie en Het Drentse Boek en Oeze Volk een neijaorsreceptie. Omdaw in 2007 fuseerd binnen tot ’t Huus van de Taol heb we noe saomen eein neijaorsreceptie holden in café-restaurant De Linde in Beilen.

Veurzitter Anne Doornbos hef de middag lösdaon en an de dik honderd man verteld wat of de dreei organisaotsies in 2007 oet ’t stro zet hebben. Daornao hef Fred Fontijn van Fontijn en Partners ’t neie logo van ’t Huus van de Taol zeein laoten. An ’t čende van de middag hebben Jan Veenstra en Marga Kool as Thomasvaer en Pieternel ’t olde en ’t neie jaor tegen ’t licht holden.

Der mot nog hiel wat gebeuren! 16-01-2008 Begun meert gaow verhoezen naor Beilen. Dan is het gebouw an de Wattweg 2a klaor. Aj de foto’s bekiekt, kuj zien dat der nog hiel wat gebeuren mot...

Naokende wiefies 16-01-2008 In ien van de oetzendings van Jasbuus op TV Drenthe weur proot over 'naokende wiefies'. Anneke Schoehuis stuurde oes een paar foto's van dit bloempie. "Zie bint der al weer", schreef ze der bij.

Het Huus van de Taol hef verlet van een administratief metwarker (m/v) 16-01-2008 Het Huus van de Taol is een stichting, die gangs is met de streektaol in de previncie Drenthe en hef as doel het anfietern van het actief en passief gebroek van het Drčents in de miest briede zin van het woord. Lees wieder.

		Daarde cd van Luuks Nijsingh 16-01-2008 Het was slim drok in ‘De Molenhoeve’ in Echten op zundagnommerdag 13 jannewaori lestleden. De grote zaal zat hielemaol vol. Der mussen stoelen bij zet worden. Al het volk was kommen um bij de prissentatie van de daarde cd van Luuks Nijsingh van Balkbrug te weden. Luuks is under andern bekend worden met liedties as ‘Geesien van Jan Slagter’, ‘Marie, je t’ aime oe so’, ‘Dialekt’ en ‘Riestenlaand’. Op dizze daarde cd staot een paar van die bekende nummers, maor ok twaalf neien.
Boetendes zit der een DVD bij, en daor kuw nou eindelijk op zien wel of Geesien van Jan Slagter nou warkelijk is. Ok het Riestenlaand en Luuks zien dagelijkse leefwereld komt prachtig in beeld. William ten Kate hef de filmbeelden veur de DVD maakt. Lees wieder.

▲Dik honderd man bij eerste culturele middag in Rowol 16-01-2008

De Culturele Dreeihoouk Rowol (kerk, kroeg en meul) organiseert in 2008 een koppel culturele zundagmiddaogen met literatuur en meziek. Vleden zundag 13 jannewaori was de eerste middag. In de euliemeul van Rowol hebben Alke van der Velde, Albert Boelen en Abel Darwinkel Drčentse gedichten en verhaolen veurlezen. De zanggroep Focus Vocaal leuit prachtige leeidties oet Die Winterreise van Schubert heuren in de Jacobskerk en in café ’t Rode Hert. De kommende maonden staon der meer culturele middaogen op ’t programma in Rowol.

▲ Taal aan Tafel 16-01-2008

Zundag 13 jannewaori was der in zaal Poortman in Veeningen (op de Bloembarg) weer Taal aan Tafel. Ton Peters leut nog ies weer heuren, dat e met recht een taolvirtuoos nuumd worden mag. Hie leut prachtige poëzie heuren, mangs humorvol, dan weer vol ernst zoas in de gedichten over zien pap. Aagje Blink-Lindeman las proza veur, u.a. het verhaal waor ze de daarde pries met wunnen hef in de veurige schriefwedstried van Drentse Taol en Het Drentse Boek. De muzikanten Geert Jan Brader en Martijje Lubbers zörgden veur de meziek.

En - ok niet onbelangriek - het eten dat de lu van restaurant Poortman klaormaakt hadden, was slim lekker. Prissentator Baukje Bloemert kun in heur ofslutende prootie dan ok weerumkieken op een geslaagde Taal aan Tafel.

De volgende Taal aan Tafel in Veeningen is op zundag 9 meert. Maor je kunt al eerder terecht in Nörg bij Taol an Taofel, namelijk op zundag 24 febrewaori as Erik Harteveld, Derk Jan ten Hoopen en Ab Drijver daor komt.

▲ De Wraok van Tale Kwant 10-01-2008

Vrijdag 4 en zaoterdag 5 jannewaori hef de wereldpremičre van de tragikomedie De Wraok van Tale Kwant west. Dizze eerste opvoering was in Het Tramlokaal in Meppen, waor Toneka het stuk op de planken bracht. Het tenielstuk is schreven deur Erik Harteveld, die der zölf was um te kieken hoe of het spel was en of De Wraok van Tale Kwant goed oet de varf kwam. Der mag gerust zegd worden, dat het dik veur mekaar was. Het waren mooie aovends, daor in Meppen.

Vergulde Klomp veur Braobaantse streektaolfunctionaorissen 10-01-2008 Cor en Jos Swanenberg oet Berlicum hebben lest zaoterdag in Sint-Oedenrode de Braobaantse Dialectpries, de Vergulde Klomp, kregen. Cor Swanenberg en zien zeun Jos Swanenberg staon ‘t Braobaantse dialect al jaoren haalf. Cor Swanenberg is daor in de jaoren '70 al met begonnen. Hij hef boouken schreven over het dialect, veurdrachten geven, onder andere bij Omroep Brabant, en hij hef de meziek in de streektaol altied anpeerdjed.

Zeun Jos Swanenberg hef nao zien studie Nederlands metwarkt an ‘t Braobaants woordenboouk en intied is e streektaolfunctionaris van de Stichting Het Brabants. Hij is ok betrokken bij ‘t prejekt Bietels in het Braobaants, Braobaantse artiesten zingen vertaolde nummers van de Beatles. In juni 2008 komp daor een cd van oet.

► http://www.omroepbrabant.nl/?news/92146622/Vader+en+zoon+krijgen+dialectprijs.aspx

Taal aan Tafel op zundag 13 jannewaori op Veeningen (28-11-2007) 08-01-2008

Gasten: Ton Peters (poëzie), Aagje Blink (proza) en Martijje Lubbers (meziek). Lees wieder.

◄ weerum naor het thoesblad