Ankommende zundag 9 december gef het Nedersaksisch Vocaal Ensemble een
koffieconcert in Theaterboerderij ‘De Noorderbak’ in Roswinkel. De bekende
streektaolzanger ‘Klaas Spekken’ oet Ter Apel warkt deran met. Het concert
begunt um 11.00 uur. Een kaortie kost € 6,00 (veurverkoop € 5,00). Kaorten kuj
kriegen bij ‘De Noorderbak’ tillefoon 0591-352300
www.theaternoorderbak.nl
Der wordt leedties zungen van Ede Staal, Herman Finkers, Harm en Roelof, De Thrianta’s, Alex Vissering, Klaas Spekken, Suze Sanders, Wia Buze en Erwin de
Vries.
Het Nedersaksisch Vocaal Ensemble telt 24 enthousiaste zangers en zangeressen oet
Grönning en Drenthe en steet under leiding van Herman Koster.
Timon Abels is de vaste pianist. Het Nedersaksisch Vocaal Ensemble is een
bezundere zanggroep. Der wordt eenmaol in de dree week dree uur lang in
Grol rippeteerd. Veul leedties wordt oet de kop zungen, veur ‘n deel a capella.
Het rippertoire
Een mooi rippertoire met warken in de streektaolen van het Nedersaksische
Taolgebied in Nederlaand. Der wordt zungen in het Grönnings, Drèents en Twèents.
Der komt dit seizoen nog aandere taolvarianten oet dizze regio bij.
De streektaol
Het Ensemble wil met de streektaolorganisaoties overleggen hoe der warkt worden
kan an het behold en het oetbouwen van de Nedersaksische Streektaolen. Het
Ensemble weur in december 2006, pas zes maonden nao de oprichting, al veurdraogen
veur de ‘Anfieterpries 2006’ van het ‘Nei Drèents Geneutschap’.
www.nedersaksichvocaalensemble.nl
◄ weerum naor het thoesblad