Willemien Dijkstra in trance

Vrijdag 13 oktober hef de veurdrachtswedstried van de Drentse veriening in Emmen, ’t Aol' Volk, weer west. Umdebij vieftig kinder oet een groot diel van Zuudoost-Drenthe waren deur de veurrondes hen kommen en muchten in theater De Muzeval heur gedichten veur een volle zaal heuren laoten. Willemijn Dijkstra wun vanneis de Grada Eding-Askes trofee met het gedicht ‘Rap’, dat deur heur pap schreven is.


Jury
De jury bestun van ’t jaor oet lu, die allemaol met radiomaken van doen hebt: Henny Kuijer (RTV Drenthe), Wim Hulst (Radio Loco) en Harry Popken (RTV Drenthe). Henny, Wim en Harry hadden het niet makkelk, want der waren hiel wat kinder die het geweldig deden. Over de toekenning van de Grada Eding-Askes trofee hef de jury trouwens vast niet lang huven te proten. Willemijn Dijkstra döt het aal jaor geweldig goed en ’t is net of ze aal jaor weer beter worden is. De leste regel van het gedicht dee ze zingend en verknupt nog an toe, ok op dat gebied kun het wal ies een groot talent weden.


Prieswinnaars

Bij de jongsten (groep 1 t/m 6 basisschoel) gungen de priezen naor:
1. Jip Hoekman van de Markeschool, Wachtum, met ”Ik weet ’t hiel zeker”
2. Rien Meppelink van de Stidalschool, Dalerveen, met ”Mien snoetie”
3. Ester Binnenmars van ’t Eenspan, Emmen, met ”Etenstied”.

Zie leuten alledrie een gedicht van Hermien Boesjes heuren.
Jip Hoekman, Rien Meppelink en Ester Binnenmars
PeterJan Dijkstra, Janneke Klinkhamer en Josien Schultz


Van de groepen 7 en 8 van de basisschoel waren de winnaars:
1. Peter Jan Dijkstra van De Akker, Sleen, met “De Visser” van Harm Dijkstra
2. Janneke Klinkhamer van De Akker, Sleen, met “Wat mij warkelijk interesseert” ok van Harm Dijkstra
3. Josien Schultz van De Piramide, Erm, met “Mode”, schreven deur Otto Schultz.

Bij de junioren (12 t/m 16 jaar) was de verdieling as volgt:
1. Willemien Dijkstra, met ”Rap”, schreven deur pap Harm
2. Annemarie Woldring oet Noord-Sleen, met ”De Oma van mien dreumen”, dat schreven is deur heur mam
3. Annelies Bosman met het gedicht “Pubertied”, schreven deur heur mam.

Zoaj hierboven al lezen kunden, is Willemijn Dijkstra de algehiel winnaar worden en kreeg ze van jury-veurzitter Wim Hulst de Grada Eding-Askestrofee oetlangd.

◄ weerum naor het thoesblad