Op oldjaorsdag wordt der knieperdies eten. Knieperdies bint plat as symbool veur het olde jaor dat veurbij is en zuch dus al ofrold hef. Rollegies heur ie dan ok pas op neijaorsdag te eten: het neie jaor is nog hielemaol oprold.

Veur knieperdies bint veul recepten, vaak overgaon van moeder op dochter. Mangs is ’t beslag vloeibaar, mangs ok stevig. Wij geeft je hier een recept met een stevig deeg.

Wat bi’j neudig:

500 gram bloem

½ theelepelie zolt

400 gram basterdsuker

2 pakkies vanillesuker

3 eier

250 gram botter

Hoe moej ’t maken:

• Zeef de bloem met het zolt, de basterd- en vanillesuker boven een kom
• Doe de eier en de botter (in stukkies sneden) derbij
• Kneden met kolde handen tot een soepel dieg ontstiet
• Laot het deeg 1½ uur rusten
• Drei van het deeg ballegies met een deursnee van ongeveer 2 centimeter
• Nim het knieperdiesiezer en breng die op temperatuur
• Vet het iezer ien maol in
• Leg een deegballegie in de midden en kniep het iezer goed dicht
• Bak het koekie mooi goldbroen
• As de knieperdies nog warm bint, kuj der vörms van maken (bijv. trechterdies)

Bron: Broene bonen uut de wok – Roel Kuper (uitg. Het Drentse Boek) | Drentse Pot – Van kruudmoes en kniepertjes (uitg. De Fontein)
 

◄ weerum naor het thoesblad