In 2020 mot 95 % van de Friese bevolking het Fries verstaon kunnen en 20 % zul de taol goed schrieven moeten kunnen. Wieder mot met een jaor of vieftien zeker 70 % van de Friezen de eigen taol goed proten kunnen en het ‘voldoende tot goed’ lezen kunnen. Dat zegt Gedippeteerde Staten van Fryslân in heur ontwarp van de neie taolnota veur de jaoren 2007-2010.

Veurlichting over tweitaoligheid

GS vindt het belangriek dat der goeie veurlichting over het belang van tweitaoligheid komt. Der mot wat daon worden an de taolholding van veul Friezen. Zie hebt vaak niet genog zölfvertrouwen: zie vindt het Fries wal belangriek, maor laot de oren te veul hangen naor lu die ‘broodje-aap-verhalen’ oetkraomt.