Op 20 september lestleden hef de Europese Commissie een groep van elf
deskundigen op het gebied van meertaoligheid bij mekaar bracht. De
taolspecialisten komt oet alle dielen van Europa en hebt heur eerste bespreking
op 3 oktober. Zie moet initiatieven ontwikkeln en een druk in de rug geven an
neie ideeën op het gebied van veultaoligheid.
Ján Figel
Europees commissaris Ján Figel is veurzitter van de groep deskundigen. Under
zien leiding zal der proot worden over taol en underzuuk, taol en de media, taol
en het zakenleven, het gebroek van neie technieken veur vertaoling en manieren
um taolen beter leren te kunnen. Ján Figel zeg: “Ik heb der vertrouwen in dat
dizze groep mčensen een belangrieke bijdrage levern zal an de premotie en
bescherming van het meertaolige arfgoed van Europa.”
Europese dag van de taolen
De deskundigen bint allemaol politiek onofhankelijk en het is niet zo dat ze ien
laand of ien bepaold gebied vertegenwoordigt. Verscheiden leden bint specialist
as ’t giet um minderheidstaolen. Daor biw bliede um. Wij hoopt dat der vanoet
dizze Europese groep mooie dinger op oes of komt. De eerste plannen zult an ’t
volk bekendmaakt worden op de volgende Europese dag van de taolen, 26 september
2007.
◄ weerum naor het thoesblad