Rechtstreeks op tv!
Vrijdag 31 meert hef het Drents Dictee weer west. Ditmaol was het hielemaol
rechtstreeks op TV Drenthe. En dat is toch wal beheurlijk uniek. Zölfs het grote
dictee van het Nederlands is niet hielemaol live; daor zit nog een vertraging
van een paar uur op, dat der nog stukkies oetknipt worden kunt. RTV Drenthe stek
de nek dus wal een beetie oet. Wij bint oeze regionale zender der dankbaar veur
en geeft heur hierbij een dikke pluum.
Taol van Beilen en umstreken
Het dictee van dit jaor is opsteld deur Ton Peters, in het Nederlands. Abel
Darwinkel hef het dictee zo goed meugelijk umzet in het Drents van Beilen, maor
hie is nou ienmaol gien Beilenaar. Boetendes kuw ok niet alles in woordenboeken
vinden en dus bint de tien zinnen nog ies deurlopen deur een paar lu die heur
leven lang in Beilen de streektaol proot hebt.
Lang niet makkelk
Het was een stoere spellingoefening. Gemiddeld weurden der zowat 39 fouten maakt
deur de viefentwintig dielnimmers. Der zaten dan ok zat meugelijkheden in um
verschrikkelijk oet te glieden. Boetendes har veurlezer Herma Stroetinga in ’t
begun veul gang op de ket. De dielnimmers hadden allemaol de turbo an en kunden
het nog haost niet bijholden. Gelukkig leut Herma nao de veerde zin de teugels
wat vieren en hadden de schrievers ok nog tied um even nao te denken.
Jennie Lambers-Niers wun veur de tweide maol
De winnaar was dit jaor een olde bekende: Jennie Lambers-Niers meuk maor vief
fout en was daormet met ofstand de beste. Jennie mag de prachtige glastrofee,
die maakt is deur Cees van Olst, nog een jaor op de bossum zetten. Op een
gedielde tweide plaots kwamen Grietje Bitter oet Coevern en Johan Kamperman oet
Roderesch. Zie hadden allebei zeuventien fout. Henk Plenter (19 fout), Jan
Timmer (20 fout), Albert Haar (21 fout) en Wim Oosting (24 fout) zaten dicht
tegen de priezen an. Jannes Kerssies oet Drieber har de mieste fouten (79) maakt
en weur de opvolger van Delia Drupsteen die vleden jaor de poedel oetlangd
kreeg.
Alle dielnimmers
Wij zet alle dielnimmers nog even op de riege:
Bedankt
Der komt nogal wat bij kieken um het Drents dictee rechtstreeks op tillevisie te
kriegen. Het giet te wied um ze hier allemaol op te nummen, want je loopt de
kans daj mensen vergeet. Daorum wordt elkenien van RTV Drenthe en van Drentse
Taol die methölpen hef het dictee slagen te laoten stief bedankt.
Het hiele dictee
Uutprakkezčerd bi’j nooit.
1.
In ’t Drčents bestaot de woorden vaderland en modertaal ok; daj maor weet,
dat Drenthe derbij hčurt.
2.
Aj die twee woorden begriept, dan hej feilijk vortdaolijk de hele wčreld in de
gaten.
3.
Vaderland, weur ik as kind al gewaar, har aid met cowboys en indianen, met
soldaoten en vijanden en aander kwaod volk van doon.
4.
Zo leup het jonggien van oze naobers met een zölfgemaakt holten gewčer te
vechten včur het vaderland daor e van dreumd har: “Handen kepot, aans scheet ik
je umhoog.”
5.
Modertaal, ’t begunt met onbegrieplijke klanken, maor een poosien later hčur ie
fantastische verhalen in je kinderkamerdie.
6.
Vertellegies over tovernde vrouwlu en reuzen, kebolters en prinsen en aal die
aandern die later zo zeuties an wčer uut je leven vortgaot.
7.
Vaderland en modertaal, kribben en dreumen, ’t zul good weden as ze de rest
van je leven niks met mekaar van doon harren.
8.
Maor aw hen de school gaot, dan kriew inenen met vadertaal te maken, lčer we
tussen de lienties schrieven en zet ze oos rooie streepies dčur de mooiste
zinnen hen.
9.
Van die tied of he’k met mooie woorden neet veul op, ’t bint prakkezaosies
an een wčreld die der nooit west hef.
10.
De rest besteet uut lillijke gedachten in prachtige woorden of mooie
gedachten in verschrikkelijke woorden; de wčreld van hoge hčren en schoolmisters,
in Drenthe net zowal.
◄ weerum naor het thoesblad