Geweldig mooie aovend!
Vrijdag 7 april körsleden was de ‘Drèentse Koorzangaovend’ in de Jozefkerk in
Assen. Tien koren oet hiel Drenthe hadden een nei Drentstaolig lied instudeerd
en leuten dat in de volle kerk heuren. Elk koor zung wieder nog twei nummers,
mangs in de streektaol, mangs in een aandere taol. Het was al met al een
geweldig mooie aovend, die an mekaar proot weur deur Aaldert Oosterhuis van RTV
Drenthe.
SAKO-Drenthe
De tien liedern waren schreven en componeerd in het kader van het vieftienjaorig
bestaon van de Stichting Samenwerkingsverband Korenorganisaties Drenthe.
Stichting Drentse Taol kreeg een compositieopdracht en hef derveur zörgd dat een
antal schrievers an ’t wark gaon is. Zo bint der oeteindelijk tien liedteksten
kommen, die op meziek zet bint en deur netzoveul koren inoefend bint.
Alle neie liedern op cd
Alle koren die metan deden, hebt een maol op bezuuk west bij RTV Drenthe. Daor
is heur neie Drentstaolige nummer inzungen en op cd zet. Boetendes hef Aaldert
Oosterhuis vanof november vleden jaor de nummers regelmaotig in Muziekprofiel
heuren laoten. Ok Podium 30 besteedde der andacht an en har mangs lu in de
studio die op de ien of aandere manier met het preject van doen hadden.
Welke koren deden metan?
|
|
Naam koor |
Drents koorwerk |
Tekst |
Muziek |
|
1. |
Emmens Mannenkoor, Emmen |
Drenthe |
Eite Brink |
Jetse Bremer |
|
2. |
Gemengd koor Animato, Vries |
Moezen! |
Suze Sanders |
Jan Kruimink |
|
3. |
Dubbelmannenkwartet Octaaf, Runerwold |
Stil |
Egbert Meijers |
Jan Kruimink |
|
4. |
Mannenkoor De Vestezangers, Coevern |
Aans |
Eite Brink |
Jetse Bremer |
|
5. |
Gemengd koor Woudklank, Roon |
Vraogezaod |
Frans Westenbrink |
Jetse Bremer |
|
6. |
Mannenkoor HEM, Hesselen |
Iewig Paradies |
Egbert Meijers |
Jan Kruimink |
|
7. |
Gemengd koor Tonegido, Gasselt |
Dorp an ‘t kanaol |
Freek Kwint |
Jetse Bremer |
|
8. |
Gemengde zangvereniging, Slien |
Veurjaor, zommer, haarfst en winter |
Eite Brink |
Jan Kruimink |
|
9. |
Mannenkoor De Geuzingers, Rune |
In ’t duuster van een winternacht |
Suze Sanders |
Jan Kruimink |
|
10. |
Popkoor Just Fun, Zuudwolde |
Dreumbus |
Suze Sanders |
Jetse Bremer |
Bijdrage an de verspreiding van oes cultureel arfgoed
De bedoeling van SAKO Drenthe was um deur dit initiatief meer Drentstaolige
teksten veur de koorwereld in oeze previncie te kriegen um zo het gebroek van
koormeziek in de streektaol an te pitjern. SAKO wil een bijdrage levern an de
verspreiding van oes cultureel arfgoed, dat de zang der met veur zörgt dat de
streektaol veur het naogeslacht bewaard blef. Drèentse koren moet enthousiast
worden veur het neie koormateriaal.
Bedoeld veur alle koren
Het is vanzölf de bedoeling dat alle koren in Drenthe de beschikking kriegen
kunt over dit goeie Drentstaolige rippertoire. De volledige partituren van alle
neie Drèentse koorwarken bint te verkriegen bij Jan Kruimink oet Hesseln. Zien
lienpost: j.kruimink@wanadoo.nl. Zien
tillefoonnummer is (0524) 582191. De pries van een koorwark is € 15,00 en de
verzending giet met de lienpost.
|
|
|
|
|
◄ weerum naor het thoesblad