Dik tweeihonderd man hebben vrijdagaovend 24 november genoten van ’t
prachtige programma van Deuren Lös dat Stichting Het Drentse Boek en Stichting
Drentse Taol saomensteld hadden in zaolencentrum Meursinge in Westerbörk.
De Grunneger Folkband Törf hef de aovend lösdaon met een paor nummers van heur
neie cd Olipodrigo. Rieks Siebering hef anslutend een verhaol veurlezen. Daornao
kunden de bezeuikers kiezen oet dreei programma-onderdeeilen. Vrouwenteneeil
Erica speulde ’t stuk Breien veur Burundi van Erik Harteveld. De zaol was bij
tieden slap van ’t lachen om ’t grappige stuk. Schriever Lukas Koops en zanger
Karst Berkenbosch vermaokten de bezeuikers in een aander zaoltie met een verhaol,
leeidties en cabaret, en in de daarde zaol hebben Jan Germs en dubbel
mannenkwartet Octaaf een optreden verzörgd.
An ’t èende van de aovend hef Törf nog ’n maol optreden in de grote zaol. Törf is een band die de booudel gooud an de gang kan kriegen. Dat, de stemming zat der gooud in. Van een koppel mèensen hew goeie reacties kregen. Dat, met tweei jaor organiseer wij weer een Deuren Lös.
|
|
◄ weerum naor het thoesblad