Zundag 17 december ankommend wordt in het radioprogramma 'Podium 30' in het tweede uur (11.00-12.00) de winnaars bekend maakt van de Zoorholtpries en de Algemiene Anfieter Award (körtweg Anfieterpries) 2006. Wij weet 't vanzölf ok niet, maor de volmachten van het Nei Drčents Geneutschap hebt verteld daj beslist lustern moet!
De Zoorholtpries wordt deur het 'Nei Drčents Geneutschap' toekend an die persoon of instelling die de Drčentse streektaol in 2006 achteruut hölpen hef.
Het zoorholt ( letterlijk: dor holt) weur vrogger anbeuden an een wichie dat deur heur vrijer in de steek laoten was. De pries stiet dus veur het in de steek laoten van de streektaol, maor kan ok zien worden as opstap naor een beter leven.
De Anfieterpries wordt uutreikt an die persoon of instelling die zuch in 2006
slim inzet hef veur de streektaol in Drenthe. De (onofhankelijke) jury under
veurzitterschap van Hans Jalvingh uut Assen hef de volgende personen en
instellings nomineerd:
Veur de Zoorholtpries:
1. Mannus van der Laan, journalist bij Dagblad van het Noorden: Het is
onzin kinder les te geven in de streektaol.
2. De gemiente Assen: Dichters vraogen veur een TT-gedicht, maor allennig
in het Nederlands.
3. Johan Remkes, minister van Binnenlandse Zaken: De erkenning veur het
Nedersaksisch hef hij in Grunning liggen laoten…!
Veur de Anfieterpries:
1. Het Nedersaksisch Vocaal Ensemble: zingen op niveau in de streektaol.
2. De openbaore basisschoel Het Leerhoes in Zwiggelte: Elke week Drčents
op schoel.
3. Jan Kruimink, Oosterhesseln: muziekleraor en anfieteraor veur de
streektaol in de muziek.
De jury zal de nominaoties toelichten veur de uutreiking. De pries bestiet uut
een toepasselijk sierveurwerp en langdurige, zo niet ieuwige roem dan wal
schande.
De volmachten,
Janny Roggen, Anne Doornbos en Martin Koster
'Nei Drčents Geneutschap'
(het Geneutschap dat oes veurgiet in Drentsigheid)
Contactpunt veur tekst- en aandere schrievers Contactpunt veur
streektaolactiviteiten
Contactpunt veur schrievers & streektaolactivisten Anfieterpunt neie schrievers
Denkhok veur neie activiteiten in de streektaol Denkhok ‘Drčents in de openbare
ruumte’
Overleggroep Zoorholtpries Organisaotie Drčentse literatuurfestivals
Huusvestingsbureau Woning van de taol Adviseur Volksroet
Voor inlichtingen: Janny Roggen, 0592-559323 / 06-20307033
◄ weerum naor het thoesblad