De schoel hef de pries volgens de jury kregen um de volgende reden: “Ze hebt goed begrepen daor in Zwiggelt, dat het anbod van meer taolen de taolontwikkeling ten goede komp. Daor kreg ok het Drčents structuriel een plaots in. Met behulp van de krummelpakketten van Drentse Taol wordt der elke week deur alle groepen een kwarteer andacht besteed an de Drentse taol en cultuur. Op vrijdag 21 juli is het schoeljaor stijlvol in het Drčents ofsleuten. Het Drčents leren op schoel wordt niet wegmoffeld in het lespakket, nee, zie bint der groots op en treedt der ok gčern met hen boeten.”

Schoeldirecteur Immy Rorije was der slim wies met. Der was een hiele koppel volk met heur metkommen naor de studio van RTV Drenthe, zölfs wat leerlingen. En ok die waren der bliede met. Immy zee de pries te zien as erkenning veur de andacht die de schoel hef veur de umgeving, waor de kindern in opgruit.

De beide aandere genomineerden, Jan Kruimink oet Hesseln en het Nedersaksisch Vocaal Ensemble, kregen een oorkonde. Ok die waren wies met de erkenning die oet de nominatie sprek.