Directeur Dolf Dekker van OBS De Bosvlinder in Haolen hef woensdag 25 januari het 100e Krummelpakket kregen. Egbert Hovenkamp, vrijwilliger bij Stichting Drentse Taol, langde ‘t over.   De kinder van groep 5 en 6 van de Bosvlinder hadden een stuk of wat Drčentse limericks oet ’t pakket oet de kop leerd en die hebben ze mooi veurdraogen. Directeur Dolf Dekker is slim bliede met Krummels. Hij vindt net as Drentse Taol daj ’t pakket zo noe en dan bruken moeten, zeg een haalf uurtie in de week. Neeit dat de kinder perfect Drčents leren moeten, mor ze moeten wel wat weeiten van heur eigen leefomgeving en daor heurt de Drčentse Taol vanzölf ok bij.

Krummels is prissenteerd in april 2005. ’t Pakket besteeit oet virtig leeidties, virtig verhaolen en virtig gedichten veur bovenbouw, middenbouw en onderbouw. Alle lessies binnen insproken op zes cd’s. Dat, ok onderwiezers die gien Drčents praoten, kunnen met Krummels gaangs. Der is ok een cd bij met allén orkestbegeleiding. Bij aal lessies binnen lesveurstellen maokt. De leraor die na een Krummel nog wat meer an de streektaol dooun wil, hef die meugelijkheid. ‘Krummels’ is gien methode. De kinderen kriegen gien Drčentse les, mor ze ruken wel an dit livvendige cultuurgoed.

’t Idee veur Krummels komp van Eltje Doddema, een Grunnigse schooulmeester die zu’n beetie ’tzölfde pakket (Toverbalen) maokt hef veur de previncie Grunning. Veur dit mooie idee hef Eltje Doddema bij de prissentaotsie van Krummels in april 2005 ’t eerste exemplaor kregen.

Schooulen die Krummels nog niet hebben, kunnen ’t bestellen bij Drentse Taol, drentsetaol@pbcdrenthe.nl of 0592-381173.

◄ weerum naor het thoesblad