Prissentaotsie
De leskist Speulenderwies is maondagmiddag 7 meert prissenteerd op de legere
schooul ’t Broekhoes in Baoling. Mirjan Pots, juffer op ’t Broekhoes,
vrijwilligster bij Drentse Taol en eein van de maokers van Speulenderwies had de
leid in handen.
Eerst lazen de juffers en meesters 'Droppies Bart' van Bonnie Veendorp veur.
Daornao mussen de kinder gaangs met vraogen over Drenthe en ’t Drèents. De
kinder oet groep 3 en 4 mussen plaoties en woorden bij mekaor zeuiken en de wat
oldere kinder mussen antwoord geven op vraogen over volksverhaolen. De
leerlingen van ’t Broekhoes hadden der een bult wil an.
Kiek mor ies naor de
petretten!
Leskist veur basisschoelen
‘Speulenderwies’ is een leskist veur basisschoelen. Op een speulse manier (de
naam zeg het feitelijk al) komt kinder in anraking met de streektaol van oeze
previncie. De leskist is veural bedoeld veur schoelen die een preject over
Drenthe en de Drentse taol doen wilt.
 |
|
Veurgeschiedenis
In 2002 studeerden Angélique de Jonge, Mirjan Pots, Lisette van der Veen
en André Vos of an pabo ‘De Eekhorst’ in Assen. As ofstudeerpreject meuken
ze Drèentstaolig lesmateriaal veur basisschoelen. Undertussen bint de veer
an ’t wark in ’t underwies, maor zie bint nog aaid overtuugd van de weerde
van de streektaol. En daorum bint ze alle veer nog betrökken bij Stichting
Drentse Taol en helpt ze met um schier lesmateriaal te maken. |
Zo bint de leermiddeln die ze as ofstudeeropdracht maakt hebt nog ies goed
bekeken en as dat kun verbeterd. Een ontwarper hef der een schiere vörm an
geven en op 7 meert kan hiel Drenthe het zien.
|
Inhold
De leskist ‘Speulenderwies’ bevat vief underdielen:
|
|
• |
Zuuk bij
mekaor (een memoryspel met Drèentse woorden en plaaties); |
|
• |
Woordenquiz
(een spel over interferentie); |
|
• |
Het jaor deur
(vier prootplaten met woordkaorten); |
|
• |
Drenthespel
(een groepsspel over Drenthe én het Drèents); |
|
• |
Drenthe in 12
volksverhalen (twaalf bekende Drentse volksverhalen in het dialect van de
streek waar het verhaal zuch afspeult, mét opdrachten). |
Wieder zit der in elke leskist een ‘veurleespuut’ (met veurleesboeken) en
een ‘underwiespuut’ (met kopieerbare lessen, cd’s en lesveurstellen).
|
Hoe kunt schoelen der an kommen?
De leskisten ‘Speulenderwies’ kunt anvraogd worden bij Stichting Drentse
Taol (drentsetaol@pbcdrenthe.nl,
(0592) 381172) of bij de Provinciale Bibliotheekcentrale Drenthe (Tineke
Oliemans, (0592) 381156).
Aj nóg meer weten wilt...
Op zundag 6 meert tussen 10 en 12 uur bint Mirjan Pots en André Vos te
heuren in ‘Podium 30’, het culturele radioprogramma van RTV Drenthe. Lukas
Koops en/of Egbert Meijers gaot dan in gesprek met Mirjan en André.
|
|
 |
◄
weerum naor het thoesblad