’t Lessenpakket Drčents veur de legere schooulen is klaor. Stichting Drentse Taol hef der dik dreei jaor met gaangs west. Een schiere map met honderdtwintig lessies met verhaolen, gedichies en leeidties lig te waachten tot de meesters en juffers der met gaangs gaon. Alle teksten binnen opnomen op CD, dus as ze gien Drčents praoten, kunnen ze der ok met waarken.

Een jaor of wat leden hef Eltje Doddema een lessenpakket Grunnegs maokt veur de legere schooulen in Grunnegerlaand. Dat pakket heeitte Toverbalen. In Drenthe is al meer as tien jaor gien lesmateriaol maokt veur de kinder. Daorom hef Jan Germs een jaor of wat leden besloten om Toverbalen as oetgaangspunt te nemen veur een Drčents lessenpakket. Krummels, een keteer Drčents in de week.

’t Pakket is noe nao een jaor of wat haard waarken, (schrievers vraogen om teksten, lesveurstellen maoken, teeikenings maoken, inspreken, inzingen en een koppel naokiekwaark) čendelijk klaor. Daor bin we vanzölf hartstikke wies met, maor ok hartstikke wies op.

De prissentaotsie van ’t pakket was lestdaogs op dunderdag 28 april.

’t Eerste pakket wör oetlangd an de geestelijke pap van ’t idee, Eltje Doddema. Doddema was der bliede met en zee dat hij nooit docht had dat zien ‘Toverbalen’ nog ies naomaokt worden zul in Drenthe en Twente.

De prissentaotsie was hartstikke mooi. Groep 7 en 8 oet Bunerveen hadden tweei leeidties leerd. Onder begeleiding van Jack Westra zongen ze de ‘Petatblues’ en ‘De Roggekroepenberes’. Eite Brink, eein van de metwarkers an Krummels leuit een schitternde (met een mooi Drčents woord) powerpointprissentaotsie zeein over Krummels en de Drentse taol.

Sander Hadderingh oet Gasselt hef een stuk of wat gedichies veurlezen. Iris Bos oet Westervelde dreuig ‘As ik noe is de keunink was’ van Peter van der Velde veur en Suzanne van Goor oet Noordscheschut las een old volksverhaol veur.

Aj hier even met je moes klikken, kuj de foto’s zeein van de prissentaotsie.

◄ weerum naor het thoesblad