Roem twintig neie Grunneger docenten Vrijdag ien juli was ’t drok in ’t Previnciehoes in Stad. Roem twintig inwoners van de previncie kregen naomelijk de bul as docent Grunnings. Het Huis van de Groninger Cultuur en het Bureau Groninger Taal en Cultuur organiseerden dizze opleiding, die geven is deur Siemon Reker.

Oetlanging getuugschriften De gedippeteerde veur cultuur van de previncie Grunning, de heer Gerritsen, langde de getuugschriften an de neie docenten oet. Hie heul een gloedvol betoog veur het in stand holden van de Grunneger taol en was vanzölf slim bliede met de neie lesgevers. Peter de Haan, ok wal bekend as Pé Daalemmer of as ien van de jongs van de Bende van Baflo Bil, zung een paor prachtige nummers. Het was al met al een mooie mörgen. In een prettige, ongedwungen sfeer kreeg de streektaol in ’t Grunnegerlaand een beste druk in de rug.

Fillesteerd
Wij fillesteert de neie docenten vanzölf van harte. Maor wij vindt dat Siemon Reker (cursusleider, van het Bureau Groninger Taal en Cultuur) en Margriet Dijk en Henk Scholte (van het Huis van de Groninger Cultuur) ok best een beetie groots weden mugt. Zie hebt een mooi stuk wark oet ’t stee zet.

Cursusorganisaotsie
Um de neie lesgevers allemaol an ’t wark te kriegen, is Riemke Bakker ansteld. Zie giet zuch gangs holden met het organiseren van cursussen in de hiele previncie. Riemke trekt der haard an. Op maor liefst zesentwintig plaotsen in Grunning is de warving gangs.

◄ weerum naor het thoesblad