| Oetgave-neis | Agenda | Old neis 2008 | Old neis 2007 | Old neis 2006 | Oldste neis |
 |
 |
Klankwoordenboek op OBS ‘De Anwende’ in Aalden 22-12-05Kinder oet groep 7 van openbare basisschoel ‘De Anwende’ in Aalden hebt een klankwoordenboek maakt. Op een mooie manier wordt (streek)taol en ICT met mekaar combineerd. Aj het klankwoordenboek bekieken wilt, moej maor even naor de webstee van ‘De Anwende’ gaon: www.anwende.nl |
||
 |
Mooie prissentaotsie ‘Schrieversportret Stichting Drentse Taol’ 22-12-05In café De Brouwmeester in Koekange is dinsdag 20 december ’t schrieverspetret van Gré Seidell-Broekhuizen prissenteerd. Der waren zowat dartig man en die hebben slim genoten van ’t petret dat Albert Haar van Rikrak Communications maokt had. Lees wieder. |
Anfieter Award veur hoofdredacteur Dagblad van het Noorden, Pieter
Sypersma
22-12-05
|
||
|
Tiedens de oetzending van ’t pregramma Podium 30 van RTV Drenthe op zundag 18 december hef ’t Nei Drèents Geneutschap de eerste 'Anfieter Award' en de eerste zoorholtpries oetreikt. De Anfieter Award is veur die persoon of instelling die zich slim inzet hef veur ’t Drèents. Pieter Sypersma, hoofdredacteur van ’t dagblad van ’t Noorden hef de Drèentse taol met de rubriek Schepers Erf weer een stee geven in de kraant. Hulde. De eerste zilvern flint is veur hum.
|
 |
|
|
Wij hopen dat Jannes zien leven betern zal in 2006 en dat e aander jaor
nomineerd wordt veur de zilvern flint. Aj hier klikken, kuj ’t heule juryrapport lezen. |
||
De leste Taolkraant, de mandielige oetgave van Het Drentse Boek en Drentse Taol, van 2005 is oet. Der staot bijdrages in van Hans Katerberg, Marga Kool, Frans Westenbrink, Abel Darwinkel, Eite Brink, Harry Boertien, Ben Huisjes en Henk Nijkeuter. Twei belangrieke mensen oet de wereld van de Drentse streektaol bint dit naojaor oet de tied kommen: Bart Veenstra en Leen de Beij. Op het leven van beide manlu wordt weerumkeken.
Aj belang bij de Taolkraant hebt: donateur worden en ie kriegt hum veer keer in ’t jaor.
 ▲ Koob Schelhaas |
Drentse Taol hef een neie veurzitter 21-12-05Nao roem veereneenhalf jaor veurzitter west te hebben van Stichting Drentse
Taol is Koob Schelhaas dermet stopt. Hie har de leid’ in handen toen de
kersverse stichting zien route oetstippeln gung. Nao die drokke begunperiode
weur ’t wat makkelker. Koob vindt dat der een goeie organisaotie ontstaon is en
hie nimt dan ok met een gerust gevuul ofscheid. |
Vrijdag 25 november is het rapport ‘Taalbeeld van de leerlingen in het Drentse Onderwijs’ prissenteerd. Ien van de conclusies is dat kinder gien achterstanden kriegt as zie in en met de streektaol groot wordt. Koop Bos oet Bennenveld gaf zien miening over Drèents in hoes en op schoel in een ingezunden stuk in het Dagblad van het Noorden van 13 december lestleden. Lees wieder.
Erik Harteveld stadsdichter van Assen 14-12-05Een culturele hoofdstad kan vanzölf niet zunder een stadsdichter. Zaoterdag 10 december weur in De Smelt bekend maakt dat Erik Harteveld het worden is. Ien van de redens waorum de jury Erik keuzen hef, is het feit dat e gedichten in twei taolen schref: in het Drèents en in het Nederlands. Drentse Taol is wies met dizze principiële keus, dat de streektaol en de landstaol naost mekaor staon kunt. Erik, fillesteerd! |
 |
|
 |
|
De kinder in Olmeul, Tynaorl, Vreeis, Ie en Zeijen kriegen noe geregeld een toertie Drèentse les oet het slim mooie lessenpakket Krummels. Begun van dizze week gung Abel Darwinkel van Stichting Drentse Taol nor Vreeis om ’t pakket te overlangen an meester Jan Jansen van de Vijverstee in Vreeis. As der schooulen binnen die ’t pakket ok geern hebben willen, dan kunnen ze bellen of mailen met Stichting Drentse Taol 0592-381173 of drentsetaol@pbcdrenthe.nl |
 |
Denk niet dat siepsapsiepiesholt zomaar een fantasiewoord is. Het is Drents en ik vind het een prachtig woord. Het komt dan ook uit het bundeltje 'De mooiste woorden van Drenthe' en het betekent hout van de lijsterbes. Die betekenis had ik er nooit uitgehaald. Als je het een paar keer oefent, bekt het best lekker: siepsapsiepiesholt. Probeer maar eens. Lees wieder.
Veurige week vrijdag 25 november hef Drentse Taol een symposium holden over
taolachterstanden in ’t onderwies. Daor kuj van alles over lezen op dizze
bladzij. In de taolpost van een paor daogen leden steeit ok van alles over
meertaoligheid.
“Meertaolig onderwies is een verrieking!” zeg Prof. Piet Van de Craen, Vrije
Universiteit Brussel. Aal meer Nederlandse en Belgische schooulen geven ok les
in aander taolen (Fraans en Engels) as ’t Nederlands. Tegenstanders van
meertaolig onderwies meeinen dat ’t slecht is veur de kwaliteit van ’t
onderwies, mor dat is volgens Piet Van de Craen (Vrije Universiteit Brussel)
niet zo, ’t is juust best.
Lees wieder.
Mooie woorden 30-11-05
|
|
||
 |
Vrijdag 25 november lestleden was de prissentaotie van ‘Taalbeeld van de
leerlingen in het Drentse onderwijs’. Het gung hier um een underzuuk naor de
taol van de jongs en wichter op de schoelen in oeze previncie. Boetendes is der
keken of leerachterstanden ontstaon kunt deurdat kinder thoes veul Drèents proot.
Het underzuuk is daon deur dr. Bernie van Ruijven van de Fryske Akademy in opdracht van Stichting Drentse Taol. De underzuuksgroep oet Drenthe bestun oet 450 kinder oet groep 7 van de basisschoel, 262 havisten (exaomenjaor) en 217 leerlingen van het vwo (exaomenjaor). |
|
|
Aj het underzuuksrapport in zien gehiel, in boekvörm dus, in hoes hebben wilt, moej oes dat maor even weten laoten. De samenvatting (worddocument) stiet op dizze webstee. Lees wieder. |
||
 |
Taaltelling Nedersaksisch 28-11-05Der is een enquête daon naor het gebroek en de beheersing van het
Nedersaksisch in Nederland. Under schoelkinder mag het gebroek van ‘t
Drèents dan nogal leeg weden, veur de volwassenen in oeze previncie bint de
ciefers hiel aans: 76,6 % van de inwoners van oeze previncie kan Drèents
proten (en dat bint der 369.595) en 52,9 % döt dat ok aal dagen. Waorum
23,7% van de dialectproters dat in hoes niet döt, is niet dudelijk. Bang dat
kinder der dom van wordt? Nou dat huuf niet, zoas wal blek oet het underzuuk
van de Fryske Akademy. |
|
| De ‘Taaltelling Nedersaksisch’ is oetgeven deur Stichting Sasland, Postbus 716, 9700 AS Grunning; ISBN: 90 6466 1324. | ||
Leen de Beij is oet de tied kommen 14-11-05Vrijdag 11 november lestleden is Leen de Beij, veurzitter van Stichting Het Drentse Boek, op zeuventigjaorige leeftied oet de tied kommen. Van 1982 tot 1997 was e burgemeester van de gemiente De Wiek. Leen was ok Ridder in de Orde van oranje Nassau. Veur paartie lu was het misschien wat vrumd dat de in Gouda geboren De
Beij veurzitter van Stichting Het Drentse Boek weur. Leen preut inderdaod
gien Drèents, maor hie har zoveul bestuurlijke ervaring dat e een hiel beste
veurzitter was. En, wat nog veul belangrieker is, hie was een biezunder fijn
mens. |
Vief schrievers derbij op Taolpad Drenthe 14-11-05 |
||
 |
Oouze mooie webstee Taolpad Drenthe is
weer oetbreid. Der staon noe meer as 30 Drèentse schrievers op. Aj
wieder klikken kuj zeein dat de volgende vief schrievers derbij kommen
binnen. Egbert Meijers, eein van de beste zangers in Drenthe zingt ’t nummer Ieuwig paradies. Ab Drijver, schiever, dichter en zanger, lat zien verhaal 'Oorlog in Amen' heuren. |
|
|
De dichteressen Miny Hofsteenge en Gré Seidell-Broekhuizen lezen een stuk of
wat gedichten veur. Streektaolfunctionaris Jan Germs, die vleden jaor
debuteerde met de bundel ‘De sigaar’ les ’t verhaol 'Mag ik je auto even
lienen?' veur.
|
||
Dag van de Groninger Geschiedenis 07-11-05 |
||
 |
Drentse Taol was zaoterdag 5 november anwezig op de
Dag
van de Groninger Geschiedenis in Stad. De hiele dag stunden wij daor um
in oeze kraom informatie over het Drents te geven. Jan Germs gaf een körte
cursus, een 'Snittersessie Drents'. Der was tussen elf en vief hiel wat volk op de bien. De dag weur ofsleuten met de Grunneger geschiedenisquiz. Wat daor zo mooi an was, was under andern de natuurlijke tweitaolige prissentaotsie. |
|
Veur een paor week is de neiste oetgaove van de Grote Van Dale oetkommen. Veur de eerste maol steeit daor noe ok ’t woord ‘drentenieren’ in. Wieder is der ok wat opschoond. ‘Drent’ is noe ’t gewone woord veur eein oet Drenthe en ‘Drentenaar’ weinig gebrukelk. Dat was in de veurige editie net aansom.
|
||||||
Boekenweek is lös 02-11-05 |
||
 |
De Drèentse Boekenweek is lös. Dinsdagaovend 1 november wör de boekenweek
feestelijk lösdaon in Meursinge in Börk. Stichting Het Drentse Boek, die ok ’t
viefentwintigjaorig bestaon vierde, had een mooi pregramma in mekaor draaid. ’t Boekenweekkedo ‘De Ring’ van Jans Polling wör prissenteerd. De schriever langde ’t eerste exemplaor oet an Gerda Auper, over wel ’t verhaol geeit. |
|
Van 2 tot en met 12 november kriej ‘De Ring’ veurgeefs aj meer as € 12,50 an Drèentse boouken kopen in de Drèentse booukwinkels.
|
 |
Eerste Taol an Taofel groot succes 26-10-05 |
||
 ▲ Anne Doornbos, eein van de presentators |
’t Cultureel pregram van Taal aan Tafel bij Café-Restaurant
Poortman in Veeningen is al een jaor of tien slim succesvol. ’t Wordt
prissenteerd deur Rieks Siebering en Baukje Bloemert.
’t Leek Anne Doornbos en Martin Koster ok wel wat toou om zuks in ’t noorden
van Drenthe te holden. Zundag 23 oktober was ’t zo wied. Zowat honderd man hebben veul wil had an de eerste Taol an Taofel in Hotel De Klokbeker in Nörg. Martin Koster en Anne Doornbos hadden de leid' in handen. Gasten op dizze eerste mörgen waren Marga Kool, Rieks Siebering en zanger Egbert Meyers.
|
|
 ▲ Dr. Henk Nijkeuter in gesprek met Hans Jalvingh, hoofdredacteur van Roet |
Tweei neie boouken bij Stichting Het Drentse Boek 26-10-05Stichting Het Drentse Boek hef tweei neie boouken oetgeven. ’t Verzaomelde waark van Hans Heyting onder de titel ‘De dichter en de wichter’ en ‘De toonsoort van de tied’, een neie gedichtenbundel van Gerard Nijenhuis, binnen zaoterdag 22 oktober prissenteerd bij Hotel Bieze in Börger. Dr. Henk Nijkeuter hef de leste maonden heul wat speurwaark daon om aal publiceerde gedichten van Hans Heyting op te zeuiken. ’t Wör neug tied dat Hans Heyting zien waark ies in eein bundel bij mekaor braacht wör.
|
In de neie bundel van Gerard Nijenhuis zitten een koppel neie gedichten, mor ok een stuk of wat olde. De bundel is opbouwd oet vief hoofdstukken.
Beide boouken binnen te koop bij de Drèentse booukhandels, mor je kunnen ze ok bestellen op www.hetdrentseboek.nl |
 |
|
| Dizze tweei schrievers binnen slim belangriek west veur de Drèentse schrieverij. Over beide schrievers is veul infermaotsie te vinden op dizze webstee. Gerard Nijenhuis was schriever van de maond in september en Hans Heyting is ’t dizze maond. Even hier klikken en je kunnen meer lezen over dizze tweei grootheden van de Drèentse schrieverij.
Mooie woorden
20-10-05
|
 |
Hoe vaak is de streektaal niet doodverklaard? Door cultuurpessimisten, die ervan overtuigd zijn dat het dialect het zal afleggen tegen het Euro-Engels. Door taalpuristen, die meer Drentse en Groninger woorden zien verdwijnen dan erbij komen. En ook door de gebruikers zelf, die hun kinderen in het Nederlands opvoeden omdat die taal een baangarantie zou opleveren. Desondanks leeft de streektaal gewoon door. Dat blijkt niet alleen uit de respons op de verkiezingen van de Mooiste woorden van Drenthe en Groningen. Los daarvan manifesteert het dialect zich nadrukkelijk in gedichten en boeken, in het theater en in de muziek. Om maar te zwijgen over het gebruik op straat, in de winkel en het café.
Het is een tendens die te maken heeft met de veranderende samenleving. Juist nu de wereld snel multicultureel en door globalisering ook onpersoonlijker wordt, groeit de behoefte aan vertrouwde waarden. En wat ligt dan meer voor de hand dan terug te grijpen op de taal van thuis, op het informele Drents en Gronings? De mooie woorden babbelegoegies en snoetjeknovveln laten zien hoe rijk onze streektaal is. Sommige woorden (eelsk, karbies) zouden allerminst misstaan in de nieuwste editie van de Grote Van Dale. Andere (dolkies, sikkom) verdienen domweg een cultstatus onder jongeren. En kwestie van promotie op scholen?
Ondertussen kan de schoonheid van streektaal niet vaak genoeg worden benadrukt.
Al was het alleen maar omdat de schoonheid een betere reden is om dialect te
spreken dan angst voor een veranderende samenleving.
▲ Dit was het hoofdredactioneel commentaar van Pieter Sijpersma in het Dagblad van het Noorden
op woensdag 19 oktober jl. (de dag na de bekendmaking van het mooiste woord
van Groningen en Drenthe)
Babbelegoegies hef de mieste stemmen kregen bij de verkiezing van het mooiste Drentse woord. Babbelegoegies wordt op verscheiden manieren zegd in oeze previncie: babbelgoegies, babbeleguugies, babbelguutkes, babbelboesies, babbelgoesies, babbelebuusies. Het betiekent malligheden of prooties. Lees wieder.
Dagblad van het Noorden streektaolpries 19-10-05 |
||
 |
Op de aovend van de bekendmaking van het mooiste woord oet Grunning en Drenthe meuk hoofdredacteur Pieter Sijpersma ok bekend dat oeze noordelijke kraant aal jaor een streektaolpries oetlangen zal. Daor wordt in 2006 met begund. |
|
|
De streektaolpries kan gaon naor mensen, maor ok naor organisaties. De pries kan
geven worden an iene die een prachtige streektaolroman schreven hef of een mooie
dichtbundel, maor het kan ok gaon um streektaolprejekten en zuks wat. Körtum:
een pries veur de mens(en) of instelling die het dialect van Grunning en Drenthe
een beste druk in de rug geven hef.
|
||
 |
Bart Veenstra hef ’t er toou daon 17-10-05Bart Veenstra is zaoterdag 15 oktober körsleden in zien woonplaots Gasselternijveen op 84-jaorige leeftied oet de tied kommen. De Drèentse taol hef een belangriek strieder verloren. Lees wieder. |
Bij tieden krieg wij van oouze vrijwilligers interessante knipsels oet
kraanten en tiedschriften. Eein had in ’t Duutse boulevardblad Bild ’t volgende
lezen:
Duutse kinder van een jaor of vieftien hebben op schooul een ‘Pisa-test’ daon in
veer schooulvakken: wiskunde, tekstbegrip, netuur- en scheikunde en
probleemoplössen. In aal veer vakken scoorde ’t jongvolk oet Beiern ’t beste.
Die veursprong van de kinder oet Bayern komp misschie deur ’t staarke
Zuud-Duutse dialect dat daor sproken wordt.
Heinz-Peter Meidinger, veurzitter van ’t Duutse Philogenverband dèenkt dat dat
een deeil van de verklaoring is. “Dialectsprekers leren al vro om onderscheid te
maoken tussen verschillende taolen. Dat is intellectueel stimulerend en ’t
bevordert abstract dèenken. Kinder hebben daor veurdeeil van bij wiskunde en
taolen.”
Oet: Bild, juli 2005
 ▲ Foto: B.H. Wolbers van SPBE |
Vrijdagaovend 7 oktober was theater De Muzeval in Emmen weer aordig vol met
lu die zin hadden an mooie veurdrachten in de streektaol deur kinder. Nao de
veurrondes waren der roem vieftig die het toneel op muchten. In de jongste
categorie wun Peter-Jan Dijkstra veur Herman Schultz en Jip Hoekman.
Kinder die al naor een aandere schoel gaot, doet der niet veul meer metan. Willemien Dijkstra wun hier veur Sil Neef. |
|
| Willemien Dijkstra, trouwe bezukers verheugt zuch aal jaor weer op het optreden van dit supertalent, wun de Grada Eding-Askes bokaal. Een oetgebreid verslag kuj vinden op www.spbe.nl. | ||
Elkeneein kent vanzölf de Drèentstaolige meziek van Harm en Roelof en Egbert Meyers. Mor de Drentse Taol is ok best te bruken veur een black metal band as de Salacious gods oet Weiteveen. Op heur webstee www.salaciousgods.com kuj ok een stuk of wat van heur Drèentse teksten beluustern. Aj hier klikken kuj ze lezen.
 |
Paulus de Boskabouter is der weer bij RTV Drenthe 06-10-05Wij hadden der even niet an daacht um je derop te wiezen, maor de Drentstaolige Paulus de Boskabouter is der weer op oeze regionale zender. Op deurdeweekse dagen kuj Paulus um 17.40 uur zien. Herhaolingen bint der nao middernacht en de aandere dag um half tien en half twei.
|
Bij soapseries dèenk ie misschie drekt neeit an streektaol, mor daor is noe
meugelk veraandering in kommen, want TV Oost hef zundagaovend de eerste
oflevering van de regionaole soapserie, ‘Van jonge leu en oale groond’ oetzonden.
’t Programma har meer as dreeihonderddoezend kiekers en dat is slim veul veur
een programma van een regionaole omrooup. Over de heuile zundag rekend hef meer
as de helft van de Overiesselers nor TV Oost keken.
Cabaretier en veurvechter veur ’t Twents, Herman Finkers, speult in de soap eein
van de hoofdrollen, mor hij is ok de vertaoler van ’t script en de dialectcoach.
De serie geeit over de familie Wildspieker. De kommende dartig weken is de serie
nog aal zundagaovends te zeein bij TV Oost.
De soapserie is produceerd deur oud-Markeloër Johan Nijenhuis. Hij is bekend
worden as regisseur van series as ‘Costa’ en ‘Westenwind’, en de speulfilms
‘Volle Maan’ en ‘Zoop in Afrika’.
Prissentatie Dieper-deur-Drenthe 06-10-05 |
||
 ▲Piet Hage (l) en Jan Tissing (r) |
Vrijdag 30 september is de neie cursus Dieper-deur-Drenthe
feestelijk prissenteerd. Jan Tissing, veurmaolig streektaalfunctionaris van
Drentse Taol, kreeg het eerste cursuspakket anbeuden. Op TV Drenthe weur Jan de grondlegger nuumd van de Drenthecursussen. Dat is niet waor, want Albert Haar en Marga Kool hebt met 'Samen wieder' feitelijk de eerste cursus opzet. Dit hef de basis west veur de Drenthecursus die under leiding van Jan Tissing ontwikkeld is.
|
|
 |
IPO 2005 29-09-05Op 27 en 28 september hef het Inter Provinciaal Overleg (IPO) west. Dit jaor kwam de top van de provinciaole besturen naor Drenthe. Een stuk of wat lu hadden belangstelling veur de streektaol. In thee- en kovvietuun ‘Zunneschien’ vertelde Drentse Taol derover en leut beelden zien. Suze Sanders las veur oet eigen wark. |
Bij een aander is ’t gres altied frisser en gruner 29-09-05 |
||
| Op acht stations in Nordfriesland (Duutsland) komt de plaotsnaambordties ok in de streektaol te hangen. Zo komt der op het station van Westerland (Sylt) een bord met het opschrift Weesterlön (Söl). Husum kreg een tweide bord met Hüsem. Wieder kuj combinaties lezen as Bredstedt - Bräist, Niebüll - Naibel, Morsum - Muasem, Keitum - Kairem, Langenhorn - e Hoorne en Klanxbüll - Klangsbel. |
 |
|
|
||
Fiona van Gelder en Saskia Visser hebt underzuuk daon hoe lesgevers in groep 1/2 umgaot met meertaoligheid. In het rapport 'Van misverstand tot meertaligheid' brengt ze verslag oet.
Underzuken die eerder daon bint, hebt oes al verteld dat meesters en juffen over ’t algemien niet zo positief bint over meertaoligheid, behalve as die aandere taol der iene is met veul aanzien zoas Engels of Frans. Jammer genog hebt het Grunnings en Drèents niet veul prestige bij de mieste lesgevers. En dat intied dat de ontwikkeling van die moedertaol ok hiel belangriek weden kan bij het leren van ’t Nederlands.
Maaike Trimbach hef in ’t Dagblad van ’t Noorden een artikel over ’t underzuuk schreven: 'Tweetalige kleuter slecht af op Groninger school'.
In Oldeberkoop is zaoterdag 3 september k.l. in het gebouw van de Stellingwarver Schrieversronte het Verklarend Handwoordenboek Stellingwerfs-Nederlands prissenteerd. Der bint 1500 van maakt. De samensteller is dr. Henk Bloemhoff. Alle schoelen in de Stellingwarven kriegt gratis een exemplaar anbeuden.
Het handwoordenboek is baseerd op het grote vierdielige Stellingwarfs Woordeboek, dat Henk Bloemhoff eerder al maakt hef.
Bits & Books hef het Dialexicon Twents oetgeven. Het is een woordenboek Twents-Nederlands op cd-rom. Roem 27.000 woorden en 10.000 oetdrukkings kuj vinden in de basisversie. Aj bijbetaald kuj, deur gebroek te maken van een code, ok toegang kriegen tot het diel Nederlands-Twents. Boetendes kriej dan nog extra’s zoas een riemwoordenboek en allerhaande zuukfuncties. De samensteller van het Dialexicon Twents is Goaitsen van der Vliet.
De cd-rom kuj bestellen deur € 10,00 over te maken op girorekening 3167095 van Bits & Books in Enschede, even derbij zetten dat het um ‘DLT’ giet. ISBN 90 71610 59 4
Het mooiste West-Freeise woord is te warskip of - in een verwante vorm - warskippertje. Oet een enquête van de Stichting Creatief Westfries blik dat de West-Freeizen dizze woorden, die logeren en logé beteeiken ’t mooiste vinden.
Een goeie tweeide is ’t woord pittig, en dat beteeikent aordig, leeif. Op de daarde plaots komp het waarkwoord sprage, wat zoveul wil zeggen as rustig zitten. ,,Mor dan wel in een zaacht veurjaorszunnegie”, zeggen bestuursleden Siem de Haan en IJs Broers van Creatief Westfries.
’t Bladtie Skroivendevort, te vergelieken met Oeze Volk, hef dizze verkiezing organiseerd. Zowat veerhonderd mèensken hebben een woord instuurd. Dat te warskip ’t mooiste woord worden zul, döt Broers gien nei. ,,’t Is een woord dat veul mèensken kennen. Daor heuiven ze gien West-Freeizen veur te weden. ,,’t Is een verbastering van waardschap. Aj eerder onderdak zöchten, mus je bij de waard in zien herberg weden.”
|
|||||||
De ‘Warkgroep Drèentstaolige Kerkdiensten’ is bar actief. In de vekaansietied gaot ze gewoon deur met heur wark. Wat der op dit gebied allemaol al deur een hiele koppel lu oet ’t stro zet is, kuj nou ok op dizze webstee lezen. Lees wieder.
Ien van de dinger waor de warkgroep Drèentstaolige kerkdiensten zuch met gangs holdt is de vertaoling van het evangelie van Lucas. Zie komt regelmaotig bij mekaar um veuroetgang en hoeswark deur te nimmen. Lees wieder aj een veurbeeld van een stukkie vertaling lezen wilt
 |
Roem twintig neie Grunneger docenten 13-07-05Vrijdag ien juli was ’t drok in ’t Previnciehoes in Stad. Roem twintig inwoners van de previncie kregen naomelijk de bul as docent Grunnings. Het Huis van de Groninger Cultuur en het Bureau Groninger Taal en Cultuur organiseerden dizze opleiding, die geven is deur Siemon Reker. Lees wieder. |
 |
Krummels is klaor! 12-07-05’t Lessenpakket Drèents veur de legere schooulen is klaor. Een
schiere map met honderdtwintig lessies met verhaolen, gedichies en leeidties
lig te waachten tot de meesters en juffers der met gaangs gaon. Alle
teksten binnen opnomen op CD, dus as ze gien Drèents praoten, kunnen ze der
ok met waarken. Vieftig schooulen binnen al zo loos west om ’t pakket veur
mor € 50,00 te kopen. Aj nog twiefeln, kuj hier 't leeidtie
Dreumen
(mp3, 1654 Kb, cd 1, track 9) beluustern.
Lees wieder.
|
Drs. Henk Hadderingh is oet de tied kommen 06-07-05Maandag 4 juli bereikte oes het bericht dat drs. Henk Hadderingh oet de tied kommen is. Henk was de zeun van Bertus Hadderingh, beter bekend as Bart Veenstra, en Martha. Lees wieder. |
Prinsessies worden tweeitaolig 29-06-05Amalia en heur pas geboren zussie Alexia worden tweeitaolig grootbrocht. Willem-Alexander en zien vrouw Maxima hebben der veur kozen om tegen heur kinder elk in heur eigen taol te praoten. Maxima prat Spaans en de kroonprins leert de kinder Nederlaands. Onder taolkundigen steeit dit bekend as de eein-older-eein-taol-meneer. Dit waarkt meeisttied heul best, mor dan moeten beide olders ’t gien dag versloeren laoten. Taolkundigen hebben der al vaok ies op wezen dat meertaoligheid gooud is veur ’t taolgeveuil en ’t analytisch vermogen van kinder. Boetendes kriegen ze een genuanceerdere kiek op de wereld. Noe mor hopen dat de kleine prinsessies een Drèentstaolige oppas kriegen, die heur ok nog Drèents leert... |
Op dizze webstee http://www.lowlands-l.net/anniversary steeit een bult infermaotsie over een koppel taolen in Europa en ok over een stuk of wat Nedersaksische taolen. Dizze schiere webstee besteeit tien jaor en daorom hebben ze bedocht dat ’t wel mooi weden zul as elkeneein ’t olde volksverhaol ’t Tuunkruperie in zien eigen taol overzetten zul. Paartie lu hebben ’t verhaol ok nog insproken. Dat, aj geluud op de computer hebben, kuj ok nog ’t verschil heuren tussen Grunnegs, ’t Drèents van Nörg en ’t Drèents van Hoogeveen, ‘t Plattduuts en ’t Afrikaons. Vernuver je wat!
|
|
Nummer 27 is oet! 14-06-05 |
| Aj donateur bint van de streektaolorganisaties Het Drentse Boek en Drentse Taol, kriej veer keer in ’t jaor de Taolkraant. Nummer 27 is net oet. Ditmaol schreef Anne Doornbos over het ‘Nei Drèents Geneutschap’, vertelde Abel Darwinkel over het lespakket ‘Krummels’, gaf Hermien Haar informatie over Het Drentse Boek (binnenkört 25 jaor jong!), heul Rieks Siebering een vraogpraotie met Evert Akkerman, recenseerde Harry Boertien de cd ‘Liefde, Dood en de Dreum’ van Firma Weijland en zee Tjaart Imbos welk gedicht hum het miest achter ’t vessie komt. Tussendeur staot schiere gedichten, verhaolen en körte informatie. Volgens oes gloepends de muite weerd! | |
Webstee previncie ok in ’t Drèents 01-06-05De previncie Drenthe hef de kennismaokingsbladziedes van www.drenthe.nl ok in het Drèents op heur webstee zet. Een Engels en Duuts vlaggie waren der al, maor der wappert nou ok iene oet oeze previncie. |
 |
|
| Oes provinciaol bestuur gef hiermet an dat zie de streektaol belangriek vindt. Wij vindt dat gloepends schier en bint der slim wies met. Previncie, een golden doem veur je. | ||
Verjaordagsliedties 26-05-05 |
 ▲Burgemeester Bouwmeester döt de krooi lös |
Boekenkrooi Hesseln 26-05-05De kerk in Hesseln leup zaoterdagmörgen um een uur of negen al aordig schier
vol. Een beste bult vrijwilligers van Hesseln Cultureel, Het Drentse Boek en
Drentse Taol zulden die dag met de boekenkrooi op pad. Zie zulden het niet veur
niks doen. Veur roem € 3800,00 an boeken weurden der dizze zaoterdag verkocht. |
|
Koffiemörgen Geeiten groot succes! 26-05-05De koffiemörgen in Geeiten van lest zundag was slim schier. Zowat 150 man waren nor Hotel Braams in Geeiten kommen om te heuren en te zeein wat Drentse Taol, Kostverloren en Heimatverein Leer veur pergram saomensteld hadden. |
||
 ▲ Henk Scholte en Martin Koster |
De muzikanten van Törf mussen as eerste aan de
bak. Zij speulden prachtige Grunneger luusterlaidjes. Kees Visscher las
tweei mooie verhaolen veur. Elkeneein was slap van ’t lachen. Ok Manfred
Briese zien Plattduutse verhaol over een reis nor Stad wör van genoten. Gerard Nijenhuis mus as leste schriever ’t podium op. Hij is geboren in Geeiten en hij vertelde dat hij ’t mooi vond om daor wat veur te lezen. Hij had wat olde en neie gedichten oetkozen en een stukkie oet zien neie roman, Het verbörgen leven. Nao de soep met brood hebben de vrouwlie van Vrouwentoneel Erica ‘Gezellig hè’ van Marga Kool speuld. Een prachtig stuk. Elkeneein hef veul wil had an dizze koffiemörgens. Ankommende maond gaow ies even naopraoten over de dreei koffiemörgens en dan besluut we hoou of we ’t aander jaor dooun gaon. Dat, hol de webstee in de gaoten, dan wor je ’t wel gewaor. |
|
 ▲ Kees Visscher |
||
 |
De dreei koffiemörgens binnen mede meugelk maokt deur een bijdraoge van de Europese Unie in het kader van het INTERREG-project People to People II. |
Nei Drèents Geneutschap 26-05-05 |
||||
 |
 |
Eindelijk is ’t zowied: Het Nei Drèents Geneutschap
komp in de bienen. Op zundag 22 mei is in Gieten, nao
ofloop van de daarde kovviemörgen in hotel Braams, de proclamatie
veurlezen. Het NDG hef as tweide naom ‘het Geneutschap dat oes
veurgiet in Drentsigheid’ en dat is een oetspraok die Max Douwes
ooit oet de mond van de heer Klein Rieksie kommen leut.
|
||
Zölf schrieven veur de tiende ‘Poëzie van Hunebedden’ 06-04-05 |
||
 |
Dit jaor organiseert het Nationaal Hunebedden Informatiecentrum veur de tiende maol ‘poëzie van hunebedden’. Vanof 14 juli kan elkenien die daor veur vuult op een dunderdagaovend (tot en met 25 augustus) op de fiets stappen en zuch trakteren en verrassen laoten met zang, dans en literatuur. | |
|
Het thema is ditmaol steen - spiegel - tijd. Het Nationaal Hunebedden Informatiecentrum rop mensen op gedichten te schrieven, waorin het thema steen, spiegel en tied terug te vinden is. Wieder mugt het alle soorten gedichten weden, van sonnet tot gniezertie, van Nederlandstaolig tot schreven in de streektaol. Tot 30 mei kuj gedichten opsturen an het Nationaal Hunebedden Informatiecentrum, Postbus 25, 9530 AA Borger. Met de lienpost mag ok: hunebed.info@tref.nl |
||
Tweeide koffiemörgen een groot succes 28-04-05 |
||||||
.jpg) ▲ Freylemabörg |
.jpg) ▲ middeleeuwse band Daphned |
|
.jpg) ▲ J.K. Harms |
|||
|
Stichting Drentse Taol, Stichting Kostverloren en Heimatverein Leer organiseren
in de maande dreei koffiemörgens. Begun april heb we de eerste had in Leer. Dat
was een slim schiere dag. Lest zundag was de tweeide koffiemörgen. Een man of
honderd kwam naor de Freylemabörg in Slochtern waor ze wil hadden an de
veurdrachten van de schrievers Anne Doornbos oet Drenthe, J.K. Harms oet Haren
en Ubbo Gerdes oet Leer.
|
||||||
Koffiemörgen in Leer 21-04-05 |
||||
.jpg) |
.jpg) |
|
||
.jpg) |
Cursus Metwarkers RTV Drenthe 20-04-05Zestien metwarkers van RTV Drenthe kriegt op de dinsdagaovends in april les van ‘meester’ Anne Doornbos. Anne pocht geweldig over zien leerlingen, want zie doet geweldig heur best. Dinsdag 19 april was gastdocent Henk Nijkeuter anwezig um wat meer te vertellen over de schrieverij in oeze previncie. Aj even metkieken wilt, moej hier klikken. |
|
|
Nei Drèents Volkslied 20-04-05Erik Harteveld hef een nei Drèents volkslied schreven. Dat levert onmiddellijk een beste bult discussie op. Zo hef ’t feitelijk al gloepends lang west met het officieuze volkslied van oeze previncie. Hiel aans as in Friesland of Grunning, waor het volkslied redelijk onumstreden is, levert ‘Mijn Drenthe’ aaid weer rebulie op. Der bint mensen die het met traonen in de ogen van ontroering zingt. Aandern kunt de woorden haost niet deur ’t keelgat kriegen. Lees wieder. |
Prissentaotsie schrieverspetretten Jan Veenstra en Rieks Siebering 12-04-05 |
|||
  |
|
Dinsdagaovend 12 april was ’t gezellig in dörpshoes ‘De Heugte’ in
Nei-Baoling. Daor weurden naomelijk de schrieverspetretten op video en dvd van
Jan Veenstra en Rieks Siebering prissenteerd. Hiermet bint in opdracht van
Stichting Drentse Taol nou tien Drèentse schrievers verieuwigd.
Beide schrievers hebt zuch nogal ies inspireren laoten deur Cuby & the Blizzards. De eerste exemplaoren weurden dan ok anbeuden an Harry Muskee, die der slim wies met was. |
|
Eerste koffiemörgen een succes 06-04-05 |
||
 |
Op dizze webstee kuj lezen over de koffiemörgens die Stichting Kostverloren, Stichting Drentse Taol en de Heimatverein Leer organiseert. Zundag 3 april hew de eerste had in ’t Klottjehuus in Leer. Henk Puister oet Grunning, Martin Koster oet Drenthe en Gerd Constapel oet Leer zörgden veur het literaire diel. De Fiebeldekwinten meuken meziek. Gunda Winterboer en Werner Tschuschke vermeuken de gasten met ‘Dinner for one’ op plat Duuts. Het was al met alderbarstend schier en dat vunden de roem tachtig bezukers ok. In de tuun van het Klottjehuus was ’t ok nog ies goed weden. De zun scheen oetbundig en de eterij was gloepends lekker. Al met al een mooie mörgen. Gelukkig komt der nog eein: op 22 mei in Hotel Braams in Gieten. Lees wieder. |
|
Op de wereld worden nog de wereld taolen sproken. Volgens de webstee www.ethnologue.com omendebij 6800. Teminnen, dat is ’t aantal taolen dat op dizze webstee beschreven is. Je kunnen der van alles te weeiten kommen over de vrumdste taolen waor of je nog nooit van heurd hebben, maor ok over wereldtaolen as ’t Engels, en ‘t Fraans. ’t Drèents, ’t Grunnings en ’t Stellingwaarfs staon ok op dizze site. Mèensen die wil hebben an taol moeten maor ies hen kieken gaon.
Wij bruken ’t Latijnse alfabet om Drèents en Nederlands te schrieven, maor der binnen nog veul meer schriftsoorten. Op de website www.omniglot.com kuj der honderdvieftig bekieken. Der wordt ok infermaotie geven over oorspronk, geschiedenis gebruuk en verspreiding. Ok kriej een koppel verwiezings naor aander websteden. Op dizze webstee kuj ok fantasieschriften bekieken zoas het Klingon-alfabet of Tolkien zien tengwar-schrift.
Aj van oetzeuiken holden, kuj der ok terecht want der staon ok nog neeit ontcieferde schriften op. Vernuver je dermet! (Oet: Onze Taal 4)
 |
Meertmaond Streektaolmaond 15-03-05De meertmaond is al weer mooi an de loop. De
leskist Speulenderwies is prissenteerd en intied hebben al een
koppel schooulen hum risserveerd omreden dat ze gaangs willen met ’t
Drèents. Lestdaogs hew de Landelijke Dialectendag
in Ede had, maor daor kuj al genog over lezen.
Boetendes binnen der in de previncie vanzölf weer een koppel Drèentstaolige veurstellings, concerten en kerkdeeinsten. Steden, daogen en tieden kuj in oouze agenda. Die is altied bij de tied. |
|
|
▲ De Rageboll'n: ok actief in de Meertmaond Streektaolmaond! |
||
Dialectendag Ede 15-03-05De Stichting Nederlandse Dialecten holdt eein maol in de tweei jaor een landelijke dialectendag. Lest zaoterdag kwamen dik dreeihonderd man naor de Reehorst in Ede om te preuiven van streektaol op de aachtste dialectendag. De beroepskrachten van Drentse Taol hebben der een schiere dag had. Lees wieder. |
 |
In de gemeeinteraod van Noordenveld is dunderdagaovend aandacht besteed an ’t
Drèents. Gemeeintebelangen hef der veur zörgd dat er in de heule meertmaond (streektaolmaond
ja) een tentoonstelling was van Drèentse schrieverij in de hal van ’t
gemeeintehoes. Boetendes krig aal ‘t volk dat dizze maond in ’t gemeeintehoes
wezen moet, een Drèents turfie en een booukenlegger met een Drèents gedicht.
Veur de raodsvergaodering van meert an vertelde Abel Darwinkel de raodsleden wat
over ’t Drèents en Marga Kool las een stuk of wat gedichten en een prachtig
verhaol veur.
Webstee Taolpad Drenthe weer oetbreid 24-03-05 |
||
|
|
Op oouze schitternde webstee
www.taolpaddrenthe.nl binnen noe ok tweei slim bekende Drèentse
schrievers te zeein en te heuren; Bart Veenstra en Jans Polling. De jongste
Drèentse schriever Sander Broersma les zien verhaol ‘Drents zakwoordenboek’
veur. Een paor jaor leden hef e daor ’n maol ’n pries met wonnen. ’t Bekendste Drèentse zangduo Harm en Roelof zingen heur leeidtie ‘De
mooiste meid van Slien’ en het jonge duo Lucinda en Christiaan zingen ’t
kwam deur de zunne’. |
|
|
|
Leskist ‘Speulenderwies' prissenteerd 08-03-05 |
||
| De leskist Speulenderwies is maondagmiddag 7 meert
prissenteerd op de legere schooul ’t Broekhoes in Baoling. Mirjan Pots,
juffer op ’t Broekhoes, vrijwilligster bij Drentse Taol en eein van de
maokers van Speulenderwies had de leid in handen.
|
 |
|
Speulenderwies is an te vraogen bij Stichting Drentse Taol drentsetaol@pbcdrenthe.nl, tel. (0592) 381172 of bij de Provinciale Bibliotheekcentrale Drenthe Tineke Oliemans 0592-381156. |
||
 |
Meertmaond an de loop in Noordenveld 03-03-05Alke van der Velde, de wedevrouw van de schriever van Rowol, Peter van der Velde, hef in ’t gemeeintehoes van Noordenveld een toonstelling van schrievers oet ‘t Noordenveld en de meertmaond-streektaolmaond lösdaon. Lees wieder. |
Het bestuur van Stichting Drentse Taol bestiet weer oet zeuven personen. Aimé van Reydt was al even oet het bestuur, umdat e een neie baon in België vunden har. Zien opvolging is nou veur mekaor, in de persoon van Frens Wemmenhove oet Zuudwolde.
Frens Wemmenhove is geboren en getogen in Zuudwolde en een Drent in hart en nieren. Hie is Drentstaolig opvoed en toen het gezin Wemmenhove zölf twei zeuns kreeg, weurden die ok in het Drèents grootbracht. En hoewal ien van de zeuns hen Bilthoven verhoesd is en daor bij KPNG overdag meer Engels as Nederlands prat, blef de thoestaol van de Wemmenhoves Drèents.
Frens Wemmenhove hef al gloepends veul daon op bestuurlijk en poletiek gebied. Hie is in 1974 in de gemienteraod van Zuudwolde kommen. Zowat viefentwintig jaor hef e wetholder west. Wieder zat e in ruilverkavelingskemissies en was e veurzitter van de Raod van Toezicht van het Bethesda-ziekenhoes op ’t Hoogeveine. Het veurzitterschap van het waterschap Meppeler Diep hef e ok oetoefend en hie is nog aaid veurzitter van het Marius Tonckens-fonds.
Drentse Taol denkt, dat dizze Drèentstaolige doezendpoot hiel wat veur de stichting betieken kan.
Aander week begunt Meertmaond Streektaolmaond en de gemeeinte Noordenveld hef besloten om daor aandacht an te besteden.
Op dinsdag 1 meert, om 16.00 uur, döt Alke van der Velde, de wedevrouw van misschie wel de beste schriever van de gemeeinte Noordenveld, Peter van der Velde, een expositie lös over Drèentse schrieverij in de hal van ‘t gemeeintehoes. Der is waark te lezen van schrievers as Grietje Clewits, Lammert Braaksma, Ali Brals, Jannie Boerema en Anneke Mensen en vanzölf Peter van der Velde. De Stichting Drentse Taol en de historische vereeinings van Nörg, Roon en Paais hebben der een stand met infermaotsie.
De heule maond meert kriegen bezeuikers van ’t gemeeintehoes in Roon een Drèents turfie en een booukenlegger met een Drèents gedichie.
Op 24 meert wordt der veur de vergaodering van de gemeeinteraod an aandacht besteed an ’t Drèents. De Stichting Drentse Taol holdt een körte inleiding en anslutend zal Marga Kool veurlezen oet heur eigen waark.
 |
Ter Verpoozing – een neie oetgeverij in Drenthe 22-02-05Sinds het begun van dit jaor hef Drenthe der een oetgeverij bij: Ter Verpoozing. De neie oetgeverij is van Gerard Stout, de bekende Drentse schriever waorvan dit jaor nog de bundel ‘An de reize’ oetkwam. Twei oetgaoves van ‘Ter Verpoozing’ ligt al op de plank en in de handel (bij boekhandel Daan Nijman in Roden). De boeken gaot over leven en leven nao de dood. Lees wieder. Nog drei mensen proot ‘Mati Ke’ 03-02-05Van de 6000 taolen die der nog op de wereld bint, verdwient der elke virtien dagen iene. Ien van de stark bedreigde taolen is ‘Mati Ke’, dat spreuken wordt in ’t noorden van Australië, an de kust van de Timor Zee. Lees wieder. |
 |
Cursus ‘Dieper-deur-Drenthe’ is klaor! 03-02-05De cursus ‘Dieper-deur-Drenthe’ is klaor. Een warkgroep, die
bestiet oet Tjaart Imbos, Roel van der Molen, Gé Blauwgeers, Jantien
Assies, Arnold van Lon, HarmJan Lesschen, Anton Wieringa, Jan Thalen
en Jan Germs hef der een beste bult wark an had. En niet te
vergeten: Harm Eggens die zörgd hef veur prachtige illustraotsies.
Lees
wieder. Concept-Cultuurnota 13-01-05De concept-Cultuurnota 2005 – 2008 van de previncie Drenthe met as titel ‘De kunst van het combineren’ is woensdag 12 jannewaorie bespreuken in de kemissie Cultuur en Welzijn. Der is roem de tied veur neumen. Op de agenda waren der zestig minuten veur oettrökken, maor de bespreking duurde um en naobij drei uur. Lees wieder. |
Oouze webstee is de beste! 04-01-05Daw oous eigen webstee de allermooiste van de heule wereld vinden, sprek vanzölf, maor de webredactie van ’t Genootschap Onze Taal vindt dat ok.
|
 |
Vrijwilligersfeesie groot succes 06-01-05Omreden dat de Stichting Drentse Taol weer dreei jaor draait, heb we zaoterdag 18 december met aal vrijwilligers een feesie vierd in de Westerburcht in Börk. |
|
|
Nao de pauze las Suze Sanders een stuk of wat gedichten veur. Abel Darwinkel en Frits Rosenbaum trakteerden de gasten op een schier verhaol. Nao ofloop kregen aal vrijwilligers as kerstkedo ’t booukie Drents in de serie 'Taal in stad en land' van de SDU-uitgeverij en ’t t-shirt van ’t Hunebedden Informatie Centrum met de schitterende tekst van Egbert Hovenkamp achterop 'As Drent bi’j altied stoned umdaj tuschen hunebedden woont'. ’t Was een schiere middag waor beide metwarkers met plezeer op weeromkieken. ►
Foto's |
||
◄ weerum naor het thoesblad
.jpg)
.jpg)
.jpg)
.jpg)