De aovend lös daon deur bestuurslid Klaas Koops, waornao Jans Polling ’t volk vernuverde met zien kiek op de tooukomst van ’t Drèents. Daornao much ’t Uffelter Mannenkoor heur zangkunsten heuren laoten.
Vanof haalf negen kunden de bezeuikers tweeimaol kiezen oet veer verschillende pregramma’s. Der waren optredens van Gerard Nijenhuis, Anne Doornbos, Suze Sanders en Marga Kool en Jan Veenstra en nog veul meer.
Aal zaolties waren tot de leste stooul bezet. Meeiste mèensen vonden ’t slim zunde dat ze neeit aal artiesten zeein kunden, maor der moet ok nog wat te wèensen blieven.
An ’t èende van de aovend kwam Jans Polling nog ’n maol op teneeil om ’n
verhaol veur te draogen en as ofsluting trad de Bluesband De Kopstubbers
op. Een grote verrassing was de komst van Sunterklaos. Hij had ok nog
kedogies metnomen. Elkeneein much een boouk oetzeuiken van Stichting Het
Drentse Boek.
