Om de Roetkennis van de anwezigen in Zuidveld ies te testen, haar Martin Koster een kwissie bedocht. Hij las veur oet de bloemlezing en de bezeuikers mussen opschrieven wel of ’t schreven had. De risseltaoten weuren niet bekend maokt en daor waren de de meeisten slim bliede om.

Anslutend was der een discussie over de tooukomst van de streektaol. Henk Bloemhoff heuil een inleiding. Trek wij met ’n allen an een haalf dood peerd, bin oouze inspannings om de streektaol levend te holden kunstmaotig of hew groot geliek daw oous belangriekste cultuurgooud niet verslontern laoten? Dagveurzitter was Wietze van der Zwaag, wetholder an ’t Hogeveine.

Aj acht geven hadden op ’t vuur waormet de Drèentse schrievers in de zaol heur meeining heuren leuiten, kuj zeggen dat de streektaol nog laang neeit begraoven is. Elkeneein was ’t er eeins met dat der wat gebeuren moet. Noe maor hopen dat ’t neeit bij woorden allén blef.