▼ 2008
 |
|
Debuut-cd Margaretha Kleine prissenteerd
04-02-2008
Aomen - Dunderdagaovend 31 jannewaori hef Margaretha Kleine in een
stampvol Café De Aomer heur eerste cd met de titel ‘Drok’ prissenteerd.
Dik honderd man hebben slim genoten van elf prachtige nummers.
Margaretha speulde saomen met Jeff Zwart (gitaar), Peter Deiman
(percussie), Paul Bergman (toetsen en accordeon) en Johannes Adema
(basgitaar). Margaretha vertelde bij ’t optreden dat ze slim bliede was
dat ze met zukke goeie muzikanten optreden mug.
’t Eerste exemplaor van heur eigen cd hef Margaretha Kleine kregen
van Syb van der Ploeg van de Freeise band ‘De Kast’. In zien studio is
de cd opnommen. ‘Drok’ is drekt al Album van de week worden bij Radio
Drenthe en Radio Fryslan.
|
Veur meer infermaotsie kuj kieken op
www.margarethakleine.nl. Daor kuj ok een verslag lezen van Margaretha
zölf over hoou of zij dizze dag beleefd hef.
▼ 2007
Het rolletje / Het rollegie prissenteerd in Emmen
20-12-2007
’t Tweeitaolige peuterveurleesboouk Het rolletje / Het rollegie is dunderdag 20 december prissenteerd op peuterspeulzaol Dribbel in
Emmermeer. ’t Booukie is in ’t Drčents veurlezen an de peuters, die der
enthousiast op reageerden. ’t Eerste exemplaor was veur de wetholder van
onderwies in de gemeeinte Emmen Mevrouw M. Thalens. Zij gung nog even kört
in op ’t belang van tweeitaolig onderwies. Op wonsdag 2 jannewaori les Herma
Stroetinga ’t Rollegie in ’t Drčents veur op
TV Drenthe.
Het rolletje / Het rollegie is van vandaog of te koop bij aal booukwinkels in
Drenthe veur € 9,50, mor dan kriej der ok nog een doe en ontdekboouk bij. |
|
 |
 |
|
Al weer een nei boek veur kinder 06-12-2007
Het Huus van de Taol en het ABCG warkt in de maande an het
verbetern van de taol van peuters. Dat doew deur het preject ‘Klaor veur de
Start’ oet te voeren. In dit underwiespreject wordt het Nederlands en het
Drents beide gebroekt en kinder en heur olders wordt anpitjerd veur een
riekdom an taol te zörgen.
Ien van de hulpmiddeln daorbij is het tweitaolige
prentenboek ‘Het Rollegie / Het Rolletje’ over een jonkie dat zien lekkere
neijaorsrollegie niet hielemaol zölf opet. Wat dit lieve kirrelie der
allemaol met overkomt, kuj van dunderdag 20 december of zölf lezen. Dan
wordt dit prachtige prentenboek (tiekeningen: Anjo Mutsaars; tekst: Itie van
den Berg) namelijk prissenteerd op peuterspeulzaal Dribbel in de Emmer wiek
Emmermeer. Bij het prentenboek heurt ok nog een ‘Speel- en ontdekboek’ met
allerhande nuvere dinger op taolgebied. |
SDMM 105-12-2007
Zaoterdag 1 december lestleden is de alderbarstend mooie, eerste cd
van de Stichting Drentse Muziek Maatschappij prissenteerd. Dat gebeurde
in het gebouw van RTV Drenthe, waor directeur/hoofdredacteur Klaas
Samplonius gastheer was. Hie kreeg ok het eerste exeplaar van SDMM 1,
dat hum oetlangd weur deur Bert Bouwmeester. Bouwmeester is in ’t
dagelijks leven burgemeester van de gemiente Coevern, maor was nou
anwezig as lid van ’t comité van anbeveling.
Lees wieder.
Agenda
05-12-2007
Lees wieder |
|
 |
Bestemming Drenthe en Zoveel Vogels Zoveel
Zinnen 14-11-2007
Dinger die met de Drentse
taol te maken hebt, kriegt zoveul meugelk een plekkie op dizze webstee. Ditmaol
ok een beetie andacht veur twei boeken, die niet in de streektaol schreven bint,
maor over een ziedweg toch met de Drentse schrieverij te maken hebt.
Lukas Koops hef oetgebreid
proot met virtien immigranten, die op een bepaold moment in heur leven in
Drenthe te laande kommen bint. Heur indrukwekkende levensverhaal stiet in het
boek ‘Bestemming Drenthe’. Mieke-Martje van der Broek hef mooie petretten van de
virtien mčensen maakt. Zie staot in het boek, maor bint ok te zien in het
Herinneringscentrum Kamp Westerbork. Daor was vrijdag 9 november ok de
prissentatie. ‘Bestemming Drenthe’ is een oetgave van Noordboek en kost € 17,50. |
|
 |
‘Zoveel Vogels Zoveel
Zinnen’ is een mooi boek met gedichten van Rouke Broersma. Rouke is ok de
samensteller van de bloemlezing over de Drentse schrieverij met de naam
‘Scheupers van de taol’. Behalve de gedichten staot der in ‘Zoveel Vogels Zoveel
Zinnen’ prachtige etsen van Adriaan Nieuwenhuis oet Eext. Henk Bartelds hef veur
de druk zörgd. De oetgave kost € 20,10 en komt van ‘De Freinetwinkel’ in Vaalt (Valthe).
 |
|
Zo wies as ’n petries
14-11-2007
Bij Stichting Het Drentse Boek is in 2004 een booukie met veerhonderd
Drčentse zegswiezen en oetdrukkings oetkommen die bij ’n kander gaord waren deur
Janny Kok-Wolbers. Dat booukie heeit ‘lachen moej lčren, rčren komp vanzölf’.
De saomensteller Janny Kok-Wolbers hef in twintig jaor tied nog veul meer as
veerhonderd Drčentse oetdrukkings verzaomeld. Oetgeverij
Noordboek hef noe ok
een booukie oetgeven met doezend Drčentse zegswiezen en oetdrukkings. Wonsdag 7
november is ’t booukie prissenteerd in Örvelt. ’t Booukie heeit ‘Zo wies as ’n
petries’.
|
Weerdevol moment prissenteerd
14-11-2007
In de bibliotheek van Raol is vrijdag 9 november de gedichtenbundel ‘Weerdevol
moment’ van Janny Bruins prissenteerd. Een man of zeuventig was der bij.
Janny Bruins oet Raol publiceert al jaoren gedichten in Oeze Volk, mor noe is
heur debuut čendelijk oetkommen bij oetgeverij Servo. Aj een stuk of wat
gedichten lezen willen van Janny,
moej hier klikken.
|
|
 |
|
 |
|
Flustern zunder zwiegen prissenteerd 24-10-2007
In Onder de Eiken in Dwingel is woensdagaovend 24 oktober ’t
verzaomelde waark van Jan Zantinge met de titel Flustern zunder zwiegen
prissenteerd.
Jan Zantinge is geboren as boerenzeun in Dwingel. Nao de legere schooul en
de mulo gung e in militaire deeinst. Tussen 1947 en 1950 hef e militair in
Nederlands-Indië west. Over die tied hef e laoter zien beste verhaolen
schreven. Van 1954 tot 1983 hef e onderwiezer west. Nao zien pensioen komp e
veul in ’t neis, omreden hij het in de media opnemp veur de vergeten
Indië-veteraonen. Van 1986 of begunt e te schrieven. Hij publiceert
gedichten en verhaolen in Oeze Volk en Roet. Hij is de eeinige Drčentse
schriever die over de politionele acties schreven hef. ’t Binnen verhaolen
die je de haals host dichtkniepen, ok zestig jaor naotied. Jan Zantinge is
in 1996 oet de tied kommen. ’t Is mooi dat zien waark noe in eein bundel
bij ’nkander gaord is.
|
Zien dochter vertelde bij de prissentaotsie een angriepend verhaol. Ze had
as 11-jaorig wichie bij hum in de klas zeten. Een leerling schoot op een
kwaoie dag een klapperiespistool of. Meester Jan Zantinge schrok, hij was
even weer in Nederlands-Indië en hij dook nao die knallegies zo onder zien
bureau. Hij stun daornao heul langzaom weer op en zee tegen ’t jonkie met
zien klappertiespistool dat e die nooit weer metnemen much. De klas was
doodstil. Zoveul jaor naotied had meester Jan Zantinge nog die oorlog in de
kop en reageerd’e of e nog aal soldaot was. Een angriepende gebeurtenis
waor zien dochter mooi over vertellen kun.
Flustern zunder zwiegen van Jan Zantinge is te koop in de booukhandel veur €
17,50.
_small.JPG)
_small.JPG)
_small.JPG)
_small.JPG)
_small.JPG)
|
Je kunt an de wandel in ‘Het Hollebomenbos’!
11-10-2007
Op dinsdag 9 oktober lestleden is ‘Het Hollebomenbos’ op OBS
De Eshoek in Annen prissenteerd. ‘Het Hollebomenbos’ is een sprookiesboek
dat schreven is deur Herma Stroetinga. De prachtige tiekeningen bint maakt
deur Trudy Kramer, die ‘Kobus Knien op pad met Ad de Kat’ ok illustreerd
hef.
‘Het Hollebomenbos’ is een oetgave van
Het Drentse Boek
en kost € 14,50. Lees wiede
|
|
 |
 |
|
De meul wet van gien wieken prissenteerd in Nörg
29-08-2007
In café-restaurant De Klokbeker in Norg is vrijdagaovend 24
augustus ’t booukie Molentaal De meul wet van gien wieken prissenteerd. Het
booukie is schreven in het kader van ’t Jaor van de Meulens 2007 deur Abel
Darwinkel van het Huus van de Taol. Der waren dik zestig man bij de
presentatie.
Schriever/saomensteller Abel Darwinkel hef wat verteld over hoou of ’t
booukie der kommen is. Hij langde de eerste exemplaoren oet an zien
leermeesters in de Drentse Taol, Jan Germs en Harry Slot. Zangeres Martijje
Lubbers hef een stuk of wat mooie nummers zongen en een paor dichters hebben
’t gedicht veurdraogen dat ze speciaol veur dit booukie schreven hadden.
|
|
Molentaal de meul wet van gien wieken is een mooi booukie. Op een
speulse meneer worden de meulens en de Drčentse taol saomenbraacht.
Der staon een koppel mooie gedichten en verhaolen over Drčentse
meulens in, mor ok schiere hoofdstukkies over de slechte naom van de
mulder, ’t meulenspel (rikrak), wiekentaol en de Drčentse varianten
veur ’t Nederlandse woord molen. Op aal bladzijden kuj een
meulenspreekwoord lezen. ’t Booukie, met prachtige foto's, hef
tachtig bladzieden en is oetgeven deur Stichting Het Drentse Boek.
Het booukie geldt in de winkel € 9,95. |
Alweer een neie cd van Harm & Roelof
02-05-2007
Zundag 29 april lestleden was der een streektaolmörgen van de historische
veriening Stichting Streekeigen Sleen. Biezunder was het, dat der een neie cd
prissenteerd weur van Harm & Roelof. Op de cd staot liedties oet de begunperiode
van de beide manlu; liedties, die al ies eerder op een cassettebaandtie
oetkommen bint. As titel hebt Harm en Roelof keuzen veur 'Portret'.
Veurzitter Marinus Aalderink kreeg een exemplaar oetlangd.
Bron: www.sleen.nu
Het Neie Testament 02-05-2007
Het Neie Testament in een hertaoling van Max Douwes is
dunderdag 26 april prissenteerd in de kerk van Oring (Odoorn). Max Douwes
hef Het Neie Testament čend jaoren zeuventig van de veurige eeuw al vertaold.
Het is doedertied nooit oetgeven. Tweei leden van de warkgroep Kerkdeeinsten
van het Huus van de Taol, Jennie Lambers-Niers en Frits Rosenbaum, hebben de
vertaoling (Max Douwes zee altied hertaoling, omreden hij ’t niet oet de
brontekst vertaolde) bewarkt en met wat centerij van de Provincie Drenthe en
Drentse Taol hef Het Drentse Boek Het Neie Testament noe wel oetgeven. Het
eerste exemplaor is oetlangd an Vrouw Douwes, de wedevrouw van Max Douwes.
’t Kerkie van Oring is kozen as as stee veur de prissentaotsie, omdat
dizze kerk een belangrieke rol speult in de verhaolen van Max Douwes. De
pries van het boouk is € 21,50 en ’t is te koop in de Drentse Boekhandels of
te bestellen bij
Stichting Het Drentse Boek op Zuudwolde.
Aj hier klikken, kuj een
stukkie
oet het Neie Testament lezen.
 |
|
Bert Kamping har het nooit dacht
11-04-2007
Op muzikaal gebied hef
Bert Kamping al hiel wat oet het stro zet. Maor toen hum een zet leden ies
vraogd weur um in het radiopregram 'Podium 30' een Drentstaolig nummer heuren te
laoten, har e niet dacht dat dit de opmaot veur een hiele Drentstaolige cd weden
zul. Zo wied is ’t wal kommen en zaoterdag 7 april lestleden is de cd 'Nooit
dacht' in theater De Muzeval in Emmen prissenteerd.
Vieftien nummers staot op de cd, waor Bert mangs op samenzingt met Joke de
Kruijf. Het Nederlands en het Drčents akkedeert goed. Bert hef zien album
opdragen an zien pap en mam. Wij fillesteert Bert met zien eerste Drentstaolige
preduct en rekent op meer. |
Een eerder laand 21-03-2007
|
▲ Bij de prissentaotsie van 'Een eerder laand' hebben Martin Koster en
börgemeester Hans van der Laan ’t eerste en tweeide exemplaor anboden. |
|
De eerste gedichtenbundel, ‘Een eerder laand’, van Anne
Doornbos is prissenteerd. Der was een koppel volk in ’t gemeeintehoes in
Roon, het was er mooi drok. Martijje Lubbers zörgde veur de meziek. Zij hef
een stuk of wat gedichten oet Anne zien bundel op meziek zet.
In een eerder laand staon zowat virtig Drčentse
gedichten in de taol van Erica. De verbondenheid van mčensen met het
laandschap en het verglieden van de tied binnen belangrieke thema’s. Het
boouk kost € 11,50 en is te koop in de Drčentse booukwinkels. Je kunnen ’t
boouk ok bestellen via de webstee van Het Drentse Boek. |
De Nije Oogst
10-01-2007
Kenners van het Drčents denkt nou vanzölf, daw slim roeg met oeze spelling
umgaot, maor zo is ‘t niet. De kop van dit stukkie is in ‘t Grunnegers en daor
schrieft ze ‘nije’ aans. De Nije Oogst is een neie bundel met Nedersaksische
gedichten. Der stiet wark van achttien schrievers oet het Nedersaksisch
taolgebied in het boek.
Het eerste exemplaar wordt dunderdag 25 jannewaori um acht uur in boekhandel
Godert Walter, Oude Ebbingestraat 53 in Stad anbeuden an Roel Dijkhuis van
RTVNoord.
Aj meer weten wilt, kuj het (Nederlandstaolige)
persbericht
(word-document) lezen.
▼ 2006
'Moi!' hef een zussie!
06-12-2006
|
 |
|
 |
|
Al een toertie hef de taolgids veur het Drčents, 'Moi!', der een
zussie bij. Op 16 november lestleden is de Noord-Brabantse taolgids
'Houdoe!' namelijk oetkommen. Dit is de vierde in de rij van
taolgidsen.
As eerste kwam 'Goidag!' oet. Dat is de taolgids veur Grunning,
die samensteld is deur Siemon Reker. Je kunt gerust zeggen, dat
Siemon de geestelijke vaoder is van de hiele serie. Zien opzet en
ontwarp ziej weerum in de andere dielen:
• Goidag! (veur het Grunnegers)
• Moi! (veur het Drčents)
• Mörn (veur het Overiessels)
• Houdoe! (veur het Brabants)
|
|
Aj meer weten wilt over 'Houdoe!' kuj het
(Nederlandstaolige)
persbericht (worddocument, 56 Kb)
van oetgeverij
In Boekvorm lezen. |
|
 |
|
De 100 mooiste Drentse gedichten
02-11-2006
Bij oetgeverij De Kleine
Uil binnen op dunderdag 2 november dreei bizundere boouken verschenen. Dreei
blooumlezings van de honderd mooiste gedichten oet Grunnegerlaand, Freeislaand
en Drenthe. De saomenstelling van de 100 mooiste Drentse gedichten is daon deur
Henk Nijkeuter. Bij aal gedichten zit een Nederlaandse vertaoling. Veur ’t
Grunnegs is de saomenstelling daon deur Jur Engels en Jan Glas.
Jetske Bilker en Babs Gezelle Meerburg hebben zörg draogen veur de
saomenstelling van de honderd mooiste Freeise gedichten. ’t Boouk ‘De 100
mooiste Drentse gedichten’ is prissenteerd in ’t Atrium van RTV Drenthe. Een
stuk of wat dichters hebben een gedicht veurdraogen.
Aj meer weeiten willen over dizze dreei bundels en de saomenstellers, dan moej
even hen kieken gaon op de webstee van
De Kleine Uil.
|
Volksverhaolen van Johanna Bergmans-Beins
02-11-2006
De Stichting
Harm Tiesing, de Historische Vereeining in Börger, organiseert aal jaor een
Harm Tiesingdag. Van ’t jaor wordt die holden op zaoterdag 4 november om 13.30
uur in Hampshire Inn Bieze Borger.
Dizze reis zal de Harm Tiesingdag in ’t
teeiken staon van de schriefster
Johanna Hindrika Bergmans-Beins (1879-1948). Zij
schreef een roman ‘Het bloed kruipt waar ’t niet gaan kan’, een stuk of wat
gedichten en zij verzaomelde Drčentse volksverhaolen. Van die Drčentse volksverhaolen wordt zaoterdag 4 november een neie oetgaove
prissenteerd. Literair historicus Dr.
Henk Nijkeuter oet Geeiten hef de
volksverhaolen oetzöcht en hij hef der een inleiding en een levensbeschrieving
van Johanna Bergmans Peins bij schreven. ’t Boouk heeit ‘Wilde jacht’ naar een gedicht van Bergmans-Beins.
|
|
 |
|
’t Boouk is oetgeven deur Stichting Het Drentse Boek en kost € 8,00 in de booukhandel. Je kunnen ’t boouk ok bestellen bij de Stichting Harm Tiesing. Aj meer weeiten willen over de schriever
Harm Tiesing kuj hier
klikken.
|
Neie bundel van Jans Polling
02-11-2006
|
 |
|
De verhaolenbundels van Jans Polling binnen al een jaor of wat
oetverkocht. Booukverkopers mussen altied nee verkopen as der klanten om
een boouk van Jans Polling vreuigen. Het
Drentse Boek
von dat dat zo niet langer kun. Daorom is der een neie oetgaove maokt
met de honderd beste verhaolen van Jans Polling met de titel ‘Het komp
wel goed’.
Zaoterdag 28 oktober is ’t boouk prissenteerd in café De Amer in Amen.
Het was een gezellige middag met een optreden van André Damming, die
jaorenlaang saomen met Jans Polling optreden hef as Duo Dampo. ’t Eerste
exemplaor wör anboden an Daniel Lohues, omreden Jans Polling veul
waardering hef hoou of Lohues met ’t Drčents gaangs is. Daniel zong ’t
leeidtie ‘Annelie’ van zien leste cd ‘Allennig’.
‘Het komp wel goed’ is veur 19,50 euro te koop bij de booukwinkels in
Drenthe.
|
|
 |
|
Nei Drčentstaolig kinderboouk
19-10-2006
Het kinderboouk Eigenheimer van Elwina de Ruiter met teeikeningen van
Mariëlle Bonenkamp is vertaold deur de Drčentse schriefster Janny Alberts-Hofman.
’t Boouk geeit over een eerpelpreuiver eerste klas die bij de eerpelfebriek in
’t dorp waarkt. Hij hef zeuven zeuns die almaol een eerpelnaom hebben. Zeun
Eigenheimer wordt opleid as opvolger van zien pap. Mor dan wil Eigenheimer de
wiede wereld in…
’t Kinderboouk is te koop bij booukhandel Plantage Vermeer in Emmen. |
 |
|
Heavy metal
19-10-2006
De Drčentse schriever Gerard Stout is een veulschriever. Bij Het Drentse Boek
binnen verscheiden verhaolenbundels en novelles verschenen. Bij zien eigen
oetgeverij Ter Verpoozing in Paais binnen van ’t jaor een stuk of tien
Nederlaandstaolige en Drčentstaolige boouken verschenen over een koppel
onderwaarpen.
Op 9 november les Gerard Stout veur oet zien Drčentse wark in de bibliotheek van
Paais. Zien leste boouk met Drčentse verhaolen heeit Heavy metal. De titel
verwes naor heftige meziek en naor een kunstwaark van Flip Drukker oet Paais. De
verhaolen gaan over ’t leven van alledag. Heftig en schokkend, bij tieden
prikkelnd, mor altied met een zaachte en milde ondertoon. De verhaolen hebben
een dubbele laog, die je smangs bij vanneis lezen pas zeein. Der steeit niet wat
of der steeit, liekt het.
|
|
De aovend in de bibliotheek is organiseerd deur de Bibliotheek en de DAP
(Drentse Activiteiten Peize). De zaol is lös van 19.30 uur of. De entree is
5 euro inclusief koffie/thee. |
 |
|
Olipodrigo
11-10-2006
Henk Scholte, Marius Greiner, Bert Ridderbos, Jos Kwakman, Flip Rodenburg,
Geert Ridderbos en Eddy de Jonge bint met mekaar de Grunniger
folkgroep 'Törf'. Zaoterdag 7 oktober lestleden hebt zie heur neie cd 'Olipodrigo' prissenteerd in
Engelbert. 'Olipodrigo' komt van het Spaanse 'olla podrida' en betiekent zo’n beetie
‘mengelmoes’. Spaanse seldaoten die een jaor of vierhonderd hier ’t laand
onveilig meuken, gebroekten alles wat eetbaar was veur de stamppot.
|
|
Volgens de muzikanten zölf: “Ook Törf is Olipodrigo. De eigen Groninger traditie
vermengd met Mediterrane, Galicische, Jiddische en Ierse klanken. Maar ook met
een vleugje popmuziek en chanson.”
Al met al een gloepend mooie streektaolcd!
|
Lachen döt niet zeer
28-09-2006
Bij ’t vieren van ’t vieftigjaorig bestaon van dialectmaondblad Oeze Volk op
zaoterdag 23 september is ‘Lachen döt niet zeer’, een keur oet de schierste
snipsnaorderijen oet Oeze Volk prissenteerd. ’t Booukie steeit vol met
körte
gedichies, moppies, verhaolties en Drčentse wiesheden. ’t Boouk is te koop bij
de Drčentse booukwinkels mor je kunnen ’t vanzölf ok bestellen bij Oeze Volk,
maandbladoezevolk@planet.nl
|
|
|
 |
|
Neie roman Johan Veenstra prissenteerd
06-09-2006
In zien woonplaats Nijehooltpae is de neie roman van de Stellingwarver
schriever Johan Veenstra, Een brogge van glas, prissenteerd. Dik honderdvieftig
man kwamen naor ’t neie Multifunctionele Centrum in Ni’jhooltpae, waor of Johan
Veenstra ’t eerste exemplaor an de Drčentse schriever Gerard Nijenhuis geven
hef.
De neie roman van Johan Veenstra is autobiografisch. Veenstra is der pas nao de
dood van zien mam achterkommen wel of zien pap was en doe hef e ok ontdekt dat e
nog een haalfbreur had. Tien jaor nao ’t oet de tied kommen van zien mam hef e
’t pas anduurd om der een roman over te schrieven.
Johan Veenstra is met van de beste schrievers in ’t Stellingwarfs. Hij hef veer
romans en een koppel verhaolenbundels schreven.
|
Luusterboouk Hans Heyting
07-06-2006
Stichting Ruit hef in de maande met Het Drentse Boek, Roet, Drentse Taol
en RTV Drenthe een luuster-cd maokt met de mooiste gedichten van Hans
Heyting. Drčentse schrievers as Jannie Boerema, Martin Koster, Lukas Koops,
Rieks Siebering, Suze Sanders, Gerard Nijenhuis en Marga Kool lezen elk veer
gedichten veur. ’t Is een mooi luusterboouk worden!
Aj abonnee binnen van Roet, of aj ’t Drčents letterkundig tiedschrift
Roet kopen in de booukwinkel, dan kriej de luustercd der veurgeefs bij. Aj
hier klikken kuj meer lezen over
Hans Heyting. |
|
 |
 |
|
Novelle Jan Germs prissenteerd
07-06-2006
De Drčentstaolige novelle ‘Daphne, het verhaal van het loze wichie’ van
Jan Germs is dunderdagaovend 1 juni prissenteerd in een stampvol café De
Kruimel in Gasselt. Jan Germs maokte zien debuut met de verhaolenbundel ‘De
Sigaar’. De oplage van dat boouk is bijna oetverkocht.
Noe hef e een novelle schreven. Jan Germs hef dik viefentwintig jaor veur
de klas staon an de legere schooul in Gasselt. Deur zien ervaorings in ’t
onderwies hef e ‘Daphne’ schrieven kund. Het verhaol speult op een Drčentse
basisschooul en geeit over Daphne die as neie leerling op schooul komp. De
olders van Daphne vinden dat heur dochterie hoogbegaofd is en as dat dan
tegenvalt lig dat an de schooul en an meester Kas Harms.
|
|
De druk die olders bij tieden bij de schooul henleggen is eein van de
thema’s in ’t boouk. De schriever zeg over zien boek: “Dit boouk behandelt
de problematiek van het onderwies: ’t idee van olders die dčenken dat heur
kind biezunder is. Wij leven in een tied waor carričre maoken belangrieker
is as karakter hebben. Diploma’s, bezit en status binnen belangrieker as wie
je binnen in ’t leven...”
’t Eerste exemplaor is anboden an Saakje Berkenbosch, bovenschools directeur
van ’t openbaor onderwies in de gemeeinte Aa en Hunze. ‘Daphne, het verhaal
van het loze wichie’ is te koop bij de booukhandel en bij Stichting Het
Drentse Boek (www.hetdrentseboek.nl)
in Zuudwolde. Pries: € 12,95
|
 |
|
Mörn! Taalgids Overijssel
31-05-2006
Bij In Boekvorm Uitgevers
is ’t daarde deeil in de
serie dialectgidsen verschenen. Nao Goidag! in Grunning en
Moi! in Drenthe
is der noe Mörn! Taalgids Overijssel.
Dizze taolgids is saomensteld en schreven deur Harrie Scholtmeijer. Hij
waarkt as dialectoloog op de IJsselacademie in Kampen. Hij hef veul
onderzeuik daon naor de streektaolen in Overiessel. Mörn! is makkelk te
bruken veur elkeneein die in kunde kommen willen met de taol van Overiessel.
De taolverschillen en overeeinkomsten in de varianten van ’t Overiessels
binnen as oetgangspunt nommen veur dizze gids. |
 |
|
De veerde cd van De Rageboll’n is der!
31-05-2006
Bert Klaver, Arnold ten Caat, Richard Zwiers, Richard ten Caat en Jaap
Klaver hebt een hekel an stilzitten. In de ofgelopen 16 jaor hebt ze umdebij
250 meziekteksten maakt. Een diel daorvan is op cd’s vastlegd. Je zulden
zeggen kunnen, dat het motto van De Rageboll’n “Veuruut” is. En dat is nou
krek de titel van de neie cd: VEURUUT!
Lees wieder. |
Langs de vloedlien van de winter, neie gedichtenbundel Suze Sanders
17-05-2006
|
 |
|
In café De Amer in Aomen is zaoterdag 13 mei de neie dichtbundel ‘Langs de
vloedlien van de winter’ van de Drčentse dichteres Suze Sanders prissenteerd.
Het eerste exemplaar is anboden an de Drčentse schriever Martin Koster.
Suze Sanders hef in 1992 debuteerd met de gedichtenbundel ‘As langs de muren d’aovend
slöp’. Daornao hef ze nog tweei gedichtenbundels schreven ; ’t Drčentstaolige
‘Een zeum van locht’ en de Nederlandstaolige bundel ‘Alsof de steen spreekt’. In
‘Langs de vloedlien van de winter’ staon Drčentse en Hollaandse gedichten.
Thema’s in het waark van Suze Sanders binnen ’t ongriepbaore van de tied, ’t
longern naor ’t onbereikbaore, de natuur en het laandschup van Noord-Nederland
en Scandinavië.
Bij de bundel is een gratis cd. De schriefster les de gedichten daor zölf op
veur. Dat, veur goenend die ’t Drečnts wat stoer vinden om te lezen is ’t
noe ok te beluustern.
|
|
De pries is (inclusief cd) € 12,50. ’t Boouk is te koop bij de Drentse
boekhandel of rechtstreeks te bestellen bij Stichting Het Drentse Boek:
www.hetdrentseboek.nl |
Neie bundel Roel Brouwer
16-03-2006
|
 |
|
Stichting Het Drentse Boek hef zaoterdag 4 meert de neie bundel
‘Aangaande gras’ van Roel Brouwer prissenteerd. De schriever hef ’t eerste
exemplaor anboden an collega-dichter Cécile Evers. Cees van Dijk van de
Klencke-pers en kenner van ’t waark van Roel Brouwer, hef een körte
inleiding holden over poëzie in ’t algemeein en Roel Brouwer in ’t bezunder.
Bij de Klencke-pers in Oosterhesselen binnen bibliofiele oetgaoven as 'Zo
weinig ergens', 'De herder van het Hooglied' en 'Van over ver' verschenen.
In 1997 hef Servo oet Assen de bundel 'Hoe het nooit verdwijnt' publiceerd. |
| ‘Aangaande gras’ is een Nederlaandstaolige bundel met een koppel mooie
gedichten. Wij hebben der
een paor veur je
oetkozen. |
 |
|
De Troeleflappers, een nei Drčents kinderboouk
08-02-2006
De 71-jaorige schriever Klaas Prins prissenteert begun meert zien eerste
boouk ‘De Troeleflappers’. In ’t boouk ontdekken kinder deur toeval de slim
geheimzinnige Troeleflappers, die de kracht van heur vaoders (Ellert en
Brammert) aarfd hebben. Van heur moouders (De Troelen) hebben ze leerd hoou
of ze vleeigen moeten en hoou of ze heur onzichtbaor maoken moeten.
Troeleflappers praoten Troels, een taol die wel wat liekt op de taol van ’t
Hoogeveine.
Het mooiste is dat Troeleflappers kinder helpen die in nood zitten. Dik
tien percent van de verkooppries is veur de KWF Kankerbestrieding. |
De schriever Klaas Prins (zeun van Harm Prins en Marie Wimmenhove) is in
1934 geboren in Hoogeveen. Hij gung naar de Griffermeerde schooul in Het
Haagje en waarkte een heul toer bij 'De Zilvervloot'. Het boouk is veur
kinder van zeuven tot twaalf jaor.
Meer infermaotsie kuj vinden op
www.naboek.nl/troeleflappers.php en op
www.troeleflappers.com. Op de eerste webstee kuj ok op ’t boouk
inteeiken, dan kriej ’t boouk nog ’n beetie goedkoper! |
▼ 2005
 |
|
Twee eeuwen Gronings, n golden toal
07-12-2005
Twee Eeuwen Gronings, n golden toal is dinsdag 6 december prissenteerd in
Stad. De saomenstellers Jakob Loer (Auwerd 1961) en Hanny Diemer (Stad 1942)
hebben meer as tweeihonderd jaor Grunneger schrieverij bundeld in een
schiere blooumlezing. Van meer as tachtig schrievers is een körte
levensbeschrieving en een stuk of wat gedichten of een verhaol opnomen. ’t
Boouk döt dčenken an Scheupers van de taol, Blooumlezing van de Drčentse
schrieverij.
’t Eerste exemplaor wör deur de saomenstellers anboden an Kor Dijkstra,
veurzitter van de Stichten Grunneger Toal en an Jan Siebo Uffen, Grunneger
schriever en kenner van de Grunneger Letterkunde, die metholpen hef an ’t
boouk. ’t Grunnegers zal veur de meeiste Drenten niet stoer weden om te lezen.
Allennig moej der wel even om dčenken dat ze in Grunnegerlaand oa schrieven
in stee van ao.
’t Boouk is oetgeven deur In Boekvorm in Assen. Je kunnen ’t daor ok
bestellen:
www.inboekvorm.nl |
Taalbeeld van de leerlingen in het Drentse onderwijs
28-11-2005
|
 |
|
Vrijdag 25 november lestleden was de prissentaotie van ‘Taalbeeld van de
leerlingen in het Drentse onderwijs’. Het gung hier um een underzuuk naor de
taol van de jongs en wichter op de schoelen in oeze previncie. Boetendes is der
keken of leerachterstanden ontstaon kunt deurdat kinder thoes veul Drčents proot.
Het underzuuk is daon deur dr. Bernie van Ruijven van de Fryske Akademy in
opdracht van Stichting Drentse Taol.
Aj het underzuuksrapport in zien gehiel, in boekvörm dus, in hoes hebben wilt,
moej oes dat maor even weten laoten.
De
samenvatting (worddocument) stiet op dizze
webstee. Lees wieder. |
 |
|
Taaltelling Nedersaksisch
28-11-2005
Der is een enquęte daon naor het gebroek en de beheersing van het
Nedersaksisch in Nederland. Under schoelkinder mag het gebroek van ‘t
Drčents dan nogal leeg weden, veur de volwassenen in oeze previncie bint de
ciefers hiel aans: 76,6 % van de inwoners van oeze previncie kan Drčents
proten (en dat bint der 369.595) en 52,9 % döt dat ok aal dagen. Waorum
23,7% van de dialectproters dat in hoes niet döt, is niet dudelijk. Bang dat
kinder der dom van wordt? Nou dat huuf niet, zoas wal blek oet het underzuuk
van de Fryske Akademy.
|
| De ‘Taaltelling Nedersaksisch’ is oetgeven deur
Stichting Sasland, Postbus 716, 9700 AS Grunning; ISBN: 90 6466 1324. |
'De mooiste woorden van Drenthe'
23-11-2005
Wat is het allermooiste woord van Drenthe? Volgens de lezers van Dagblad van het
Noorden is dat babbelegoegies (malligheden, praatjes). Maor feitelijk valt der
hielemaol niks te kiezen, want het Drčents barst van de mooie woorden.
Al die mooie woorden kuj nou vinden in het boekie ‘De mooiste woorden van
Drenthe’, samensteld deur Jan Germs.
Lees wieder.
|
|
 |
Prissentatie Moi!
07-11-2005
Dunderdag 3 november is in boekhandel Daan Nijman in Roden Moi!
Taolgids Drenthe prissenteerd.
Het eerste exemplaar weur oetlangd an Margaretha Kleine, die ok nog
een paor gloepends swingende Drentstaolige nummers heuren leut.
Wieder las Anne Doornbos een stuk of zeuven van zien gedichten veur,
under andern Ik heb joe zöcht, dat in Moi! stiet.
Lees wieder.
|
|
|
 |
|
Tweei neie boouken bij Stichting Het Drentse Boek
26-10-2005
Stichting Het
Drentse Boek hef tweei neie boouken oetgeven. ’t Verzaomelde waark van Hans
Heyting onder de titel ‘De dichter en de wichter’ en ‘De toonsoort van de tied’,
een neie gedichtenbundel van Gerard Nijenhuis binnen zaoterdag 22 oktober
prissenteerd bij Hotel Bieze in Börger.
Beide boouken binnen te koop bij de Drčentse booukhandels, mor je kunnen ze
ok bestellen op www.hetdrentseboek.nl |
|
 |
|
Dizze tweei schrievers binnen slim belangriek west veur de Drčentse schrieverij.
Over beide schrievers is veul infermaotsie te vinden op dizze webstee.
Gerard Nijenhuis was
schriever van de maond in september en
Hans Heyting is ’t dizze
maond. Even hier klikken en je kunnen meer lezen over dizze tweei grootheden van
de Drčentse schrieverij. |
Goidag!
13-10-2005
'Goidag' is de eerste taolgids oet de serie die oetgeverij In
Boekvorm maakt. Het boekie is samensteld deur Siemon Reker. Elkenien
die echt kennismaken wil met de taol van Stad en ummelanden kan met
dit boekwarkie merakel best oet de voeten. |
|
 |
Mien verzuuk, neie bundel essays van Gerard Stout
31-08-2005
Gerard Stout is eein van de meeist productieve schrievers van
Drenthe. Stichting Het Drentse Boek hef vleden jaor zien beste waark
bij mekaor daon in de mooie bundel 'An de reize'.
Stout hef zölf veurig jaor de oetgeverij Ter Verpoozing opricht.
In de eerste helft van 2005 hef dat ’n koppel neie boouken van Stout
opleverd. Zo binnen 'Kan niet… ligt op het kerkhof', 'Leven na de
dood', 'Wisseling van de wacht' en 'Gehaktdag' (samen met Martin
Koster onder de schrieversnaom Jans Pol, verschenen. In oktober komp
'Wrak vee' nog oet.
|
Lestdaogs is der een neie Drčentstaolige essaybundel van Stout
oetkommen. De bundel heeit 'Mien verzuuk'. In dizze bundel steeit
beschouwend waark over een gaorenklopper, over desastreuze
opvoeding, seks, religie, en aander ongemak. Zeuven hef Stout zölf
insproken op een DVD. Dat, je kunnen dizze schriever ok heuren en
zeein.
'Mien verzuuk' (boouk of DVD) geldt € 8,50.
De boouken binnen te koop bij Boekhandel Daan Nijman in Roden en bij
Stout zölf: Uitgeverij Ter Verpoozing. til. 050-5033927 of
gerardstout@freeler.nl |
|
 |
 |
|
Dichter bij het hunebed 16-07-2005
Under redactie van Hein Klompmaker en Henk Nijkeuter is de bundel Dichter
bij het hunebed maakt. Oetgever is Stichting Het Drentse Boek. Op dunderdag
14 juli was de prissentatie in het neie Hunebedcentrum in Börger.
Dichter bij het hunebed is feitelijk tegeliekertied opvolger én heroetgave
van de cultuurtoeristische bundel Poëzie van hunebedden, die in 1996
verschenen is. Lees wieder.
|
 |
|
▲ Roelie de Weerd
|
|
De 63-jaorige Roelie de Weerd gruide op een boerderij in Eemster. Heur
herinnerings an die tied hef ze opschreven en ’t risseltaot is heur debuut
‘Allemaol fratsen’. ’t Is oetgeven bij
Het Drentse Boek en
vrijdagaovend 22 april wör ‘t prissenteerd in ‘Onder de Eiken’ in Dwingel. Een
kleine vieftig man was der bij. |
Neie dichtbundel van Jannie Boerema
12-04-2005
‘Over de regenboog’ is de titel van de neiste dichtbundel van schriefster
Jannie Boerema oet Zeyen. ‘Over de regenboog’ bevat de zeuven kleuren van de
regenboog en elke kleur bestiet oet zeuven gedichten.
Het is een saomenhangend
gehiel, maor de gedichten kunt ok op zuchzölf staon.
Lees wieder.
|
|
 |
Debuut Ans Klok oet Dwingel
31-03-2005
|
 |
|
Ans Klok, geboren en getogen in Dwingel, drag heur dörp een waarm haart
toou. Dat blik oet de verhaolen en gedichten die zij schrif in de taol van
Dwingel. Op 24 meert 2005 is heur eerste bundel ‘Grondnevel’ prissenteerd.
Der waren een man of vieftig bij de prissentaotsie.
De eerste bundel wör oetlangd an de olders van Ans, die heur de taol van
Dwingel leerd hebben. De bundel met
gedichten
en verhaolen is ok deur de schitternde teeikenings slim de muite weerd.
|
De bundel is veur € 12,50 te koop op Levimaat 34 in Dwingel, tel.
0521-592468, het huusadres van Ans én in De Schatkamer an de Heuvelenweg 2a
in Dwingel. |
Tweei neie Drčentse boouken
15-03-2005
|
 |
De Oetgeverij Ter Verpoozing hef tweei neie Drčentstaolige boouken oetgeven.
Gerard Stout hef een Drčentse streekroman schreven met as titel 'Wisseling van
de wacht'. ’t Wordt ankondigd as een roman met streken. ’t Boouk geeit over “nei
leven, dood, ziekte, familieperikels, draank en bliedschop en humor wisselt
mekaar of. Invuulbare gebeurtenissen in ’t Drenthe van nao de oorlog” zoas op
’t bleud te lezen is. |
'Gehaktdag' böd een keur oet de verhaolen en gedichten van Jans Pol. Dizze
Drčentse schriever is geboren in Ane op 4 mei 1944. Nao de dreeijaorige mulo
gung Jans de wiede wereld in. Hij waarkte en woonde as lichtmatroos, gigolo,
zendeling, scheepsjaoger in Ierlaand, de Faeröer, Oostenriek en Noord-Korea. In
Veenhoezen schreef Pol geheime dagboeken en dizze Drčentse gedichten en
verhaolen.
De boouken binnen te koop (8,50 ’t stuk) bij booukhandel Daan Nijman in Roden
en bij oetgeverij Ter Verpoozing. En, aj alvast een verhaol lezen willen,
klik hier.
|
▼ 2004
Neie bundel Gerard Stout 10-12-2004
Stichting Het
Drentse Boek is aordig reur de leste maonden. In oktober kwamen Het
zingende Zaand van Janny Alberts-Hofman en Het beste oet 25 jaor Roet
oet. Dizze maond verscheen der een roman van Gerard Niejnhuis en lest
zundag bij Taal an Tafel in Veeningen weur de neie bundel van Gerard
Stout prissenteerd.
De bundel heeit An de reize en is opdraogen an Ankie Mensen. ’t Gef
een overzicht van körte verhaolen, essays en een novelle, een keur oet
twintig jaor schrieverij van Gerard Stout. |
|
 |
| Gerard Stout schrif al vanof 1985 körte
verhaolen, benaom in Roet. Hij hef ok dreei novelles op zien naom staon:
Zwak ies, Matglaozen dreum en Wanda. Veul te dooun was der over ’t
Roet-nummer Eroetiek oet 1992. Een koppel Drčentse schrievers kommen der
in veur in erotische situaotsies. In 1999 hef Stout de SNS Cultuurpries
van Drenthe veur literatuur kregen. |
Neie bundel van Cobi de Jonge
02-12-2004
|
|
Cobi de Jonge, dichteres en laidjesschriefster in ’t Veenkoloniaols,
het een tiedje leden heur neie bundel 'Veur joe' prissenteerd nao heur
jaorlijkse dialectdainst in kerk nummer 11 in Valthermond. Het boukie
kost € 13; de opbrengst is veur een vluchtelingengezin uut Emmen en veur
een culturele stichten in Valthermond, heur geboorteplaots. Cobi vindt
het belangriek om de streektaol vast te leggen en daorom het ze dit
uutgeven in ‘t Veenkoloniaols. Der staon gedichten, verhaolen, een preek
en laidteksten in. As joe een bundel kopen willen, kin je bellen met:
Cobi de Jonge, (0591) 634547. |
|
 |
Naaie dichtbundel Anneke Mensen
18-11-2004
|
| 'Ver-staon' heit de naaie dichtbundel van
Anneke Mensen-Siegers oet Paais. ’t Bouk is oetgeven deur oetgeverij
Kleine Uil oet Stad. Op vrijdagmiddag 5 november weur dizze dichtbundel
prissenteerd in café Ensing in Paais.
Een dikke honderd minsken waren anwezig dou ’t eerste exemplaor geven weur
an Dr. Henk Nijkeuter, schatgraover en inspirator van de Drentse taal en
literatuur. Anneke Mensen las veur oet heur bundel, signeerde heur
bouken en de Spiekster Wichter zungen Grunneger laidjes.
|
|
 |
ik heb in mai
een dreum van witte vlinders
fladdernd in de zummerzun |
ik heb in mai
een vlucht van veule vogels
zunder ind, zunder begun |
|
|
►
Schrieverij: Méér
over Anneke Mensen |
 |
|
Eerste Drčentse roman Gerard Nijenhuis prissenteerd
18-11-2004
Gerard Nijenhuis hef al verscheiden Drčentse gedichtenbundels schreven.
Wieder hef e een stuk of wat Nederlandstaolige romans op zien naom staon.
Vrijdagaovend 12 november weur zien eerste Drčentstaolige roman ‘Het
verbörgen leven’ prissenteerd in de Literaire Hemel in een smoordrok café De
Amer in Amen. Lees wieder. |
Viefentwintig jaor Roet 04-11-2004
Zaoterdag 30 oktober weur in Zuidveld de blooumlezing '25 jaor Roet'
prissenteerd. Mister Roet, Martin Koster, hef de leste maonden aal olde
Roetnummers deurlezen. ’t Beste hef een plak kregen in ‘t booukie en ’t
risseltaot mag der weden. Een mooi boouk, waor je je een stuk of wat
haarstaovends met vernuvern kunnen.
Lees wieder.
|
|
 |
 |
|
Tiende bundel van Janny Alberts-Hofman prissenteerd
26-10-2004
'Het zingende zaand', een bloemlezing oet het waark van Janny
Alberts-Hofman is zaoterdag 16 oktober prissenteerd in Sleen. ’t Was een
slim schiere middag daor in Ons Centrum in Sleen. Mooie woorden veur de
75-jaorige schriefster waren der van Leendert de Bij en Emmy Wijnholds van
de oetgever, Stichting Het Drentse Boek.
De schriefster Janny Alberts langde ’t eerste booukie an heur oldste
kleindochter an. In 'Het zingende zaand', heur tiende bundel, staon heur
beste Drčentstaolige gedichten en een stuk of wat körte Drčentse verhaolen.
Het booukie is te bestellen op
www.hetdrentseboek.nl |
|
Turf Jenever Achterdocht 23-09-2004
|
 |
|
Turf Jenever Achterdocht bestiet al viefentwintig jaor. Um dit
jubileum te vieren hebt de lu van TJA het volgende maokt: |
| 1. |
een CD met het (Engelstaolige) rippertoire dat ze nou
zingt under de naom 'Basta'; |
| 2. |
een gedigitaliseerd archief maokt van de 25 jaor (veur
(ex-)leden een deus met 11 CD’s en veur aandern een compilatie); |
| 3. |
een CD-single met de naom ‘In de Kroeg’ en dat is een
Drčentstaolig nummer. |
|
Lees wieder |
|
|
|
Tammo Tiesing en het liek op zolder
24-06-2004
De eerste Drčentse speurdersroman verschient zaoterdag 26 juni
ankommend. Jan Veenstra
is de schriever van dizze Drčentstaolige
thriller, waorin het lieflijke en rustige Langevelde opschrikt wordt
deur een liek op de zolder van het gemientehoes.
Vanof 26 juni is het boek veur € 12,95 te koop in elke goeie
boekhandel. |
 |
 |
|
Smeer 01-07-2004
Het 6e album van Mooi Wark. Lees wieder. |
De sigaar 24-06-2004
|
 |
Op 6 meert 2004 is de verhaolenbundel ‘De
sigaar’ van Jan Germs in de bibliotheek van Emmen prissenteerd.
Viefentwintig körte verhaolen bint verdield over de 120 bladziedes.
Op de achterflap zeg oetgever Het Drentse Boek: “Sigaren bint der in
soorten en maoten, net as de verhaolen in dit boek. Zie bint te lezen
nao een goeie maoltied of ’s aovends um te ontspannen. Mangs een
gezellig verhaol as een bolknak; gewone mčensen in herkenbaore
situaoties. Maor ok verhaolen as havanna’s, um lang en stil van te
genieten. Humor en ok wal verdriet, neimoeds en ok wal nostalgie, körtum
van alles wat. Jan Germs hef het beste uut zien assortiment bij ‘nkander
daon.” |
 |
|
Lachen moej lčren, rčren komp vanzölf 17-06-2004
Woensdag 26 mei is het booukie Lachen moej lčren, rčren
komp vanzölf Drentse oetdrukkings en zegswiezen prissenteerd an de Brink
in Rune.
Janny Kok-Wolbers hef van jongs aof an Drčentse oetdrukkings
en zegswiezen opbewaord. Zij hef der noe al een stuk of zeuvendoezend.
Stichting Het Drentse Boek hef der veerhonderd van oetkozen en daor een
mooi booukie van maokt. Lees wieder. |
Prissentaotsie videopetretten Marga Kool en Hans Heijting
17-06-2004
|
  De
prissentatie van tweei videopetretten van Marga Kool en Hans Heijting in
Teatime in Linde op 9 juni 2004 was slim nuver. De vieftig belangstellenden
hebben beide petretten in zien geheuil zeein en elk en eein was ’t er over
eeins dat beide schrievers een schier videopetret kregen hebben.
Lees wieder.
►
Bestellen
|
Taal in stad en land – Drents 10-06-2004
‘Taal in stad en land’ is een serie over de verschillende streek- en
stadstaolen in Nederland. Het diel over het Drčents is nou ok klaor en wordt
17 juni ankommend prissenteerd. Veur elkenien die geer meer weten wil over
het Drčents zeker de muite weerd.
Wieder lezen.
|
|
 |
Eerste echte Drčentse stripboek prissenteerd
29-04-2004
Ellert en Brammert,
Twei Drentse Donderstienen is de titel van het eerste echte Drčentse
stripboouk dat schreven is deur Dick Blancke. De teeikenings binnen maokt
deur Ben Huisjes.
Wel zul ’t verhaol van Ellert en Brammert neeit kennen? Tweei reuzen
die in vrogger tieden de Drčentse heide onveilig meuiken. Dit aolde
volksverhaol komp noe vanneis tot leven in een mooi, kleurig stripboouk. |
 |
 |
Zaoterdag 24 april weur ’t neie boouk prissenteerd in
openluchtmuseum Ellert en Brammert in Schoonoord. RTV Drenthe meuik opnaomes
van een vraogpraotie met teeikenaor Ben Huisjes. Dick Blancke woont in de
Pyreneeën, hij kun der dus niet bij weden, maor met de neimoodse techniek
slaogde RTV Drenthe derin om hum ok even an ’t woord te laoten.
Eerste exemplaoren waren der veur de winnaors van de
schriefwedstried van Het Drentse Boek en Drentse Taol. Ok de moouders van de schriever en de
teeikenaor kregen een exemplaor.
’t Stripboouk is noe te koop in de booukwinkels in Drenthe.
Veur meer neis kuj kieken op de website van het
Drentse Boek. |
Neie CD van Tiny Klomp
15-04-2004
|
 |
Zaoterdag 11 april körsleden
is de cd ‘Kado veur mij’ van Tiny Klomp prissenteerd. Tiny is de helft van
het duo Janke & Tiny, maor hef het nou ies een keer allén daon. Het
risseltaot mag zuch heuren laoten. Liefhebbers huuft trouwens niet bang te
weden, dat der een ende kommen is an de saomenwarking met Janke Bulthuis.
Zie blieft gewoon saomen optreden. Janke hef trouwens ok metwarkt an ‘Kado
veur mij’, net as bijveurbield Egbert Meijers. Veul nummers bint schreven
deur Frans Westenbrink. In week 16 was de solo-cd van Tiny ‘CD-van-de-week’
bij RTV Drenthe. |
|
▼ 2003
Neie
CD van ‘De Rageboll’n’ 11-12-2003
Bert Klaver, Jaap Klaver,
Richard ten Caat, Arnold ten Caat en René Prins hebt van jannewaori tot oktober
van dit jaor knetterhaard warkt an de neie CD ‘Spiekers met kopp’n’. Het
risseltaot mag der weden. Richard Zwiers hef intied de drumstokkies van Rene
Prins overneumen. Aj meer weten wilt:
lees wieder.
Het jaar van de ooievaar 18-11-2003
Schriever en dichter Gerard
Nijenhuis hef aordig wat publicaoties op zien naom staon. Veul van zien
romans speulen in en om Geeiten. Op de site
www.geheugenvangieten.nl/nijenhuis.htm kuj de roman Het jaar van de
ooievaar lezen. Het gef een gooud beeld van een Drčents dörp in de
jaoren dartig van de veurige eeuw.
Kerken en schilders van Drenthe 06-11-2003
Het boek ‘Schilders
van Drenthe’ (oetgeverij
Het Drentse Boek)
van Roel Sanders is in herdruk verschenen.
Drentse kerken in de beeldende kunst 06-11-2003
Van de haand van Roel Sanders is ok
het boek 'Drentse
kerken in de beeldende kunst’ (oetgeven deur de Stichting
Drents-Overijsselse Kerken). Dit boek is interessant veur elkenien met
belangstelling veur kunst en/of kerken. Het bevat ruim 70 afbeeldingen van kunstwerken
gemaakt door bekende en minder bekende schilders, uit Drenthe of van
daarbuiten. Gekozen is voor afbeeldingen van kerken die stammen uit de
negentiende eeuw of ouder zijn.
Lees wieder. |
|
 |
 |
|
Aj nog meer over kerken in Drenthe weten wilt, is der ok nog het boek
‘Kerken in Drenthe’. Lees
wieder.
|
 |
Scheupers van de taol 06-11-2003
De bloemlezing van de Drčentse
Schrieverij 1837-2003 ‘Scheupers van de taol’ (oetgeverij
Het Drentse Boek) is oetkommen.
Op dunderdag 6 november was de
prissentaotie in boekhandel Daan Nijman in Roden. Samensteller van het boek
is Rouke Broersma. ‘Scheupers van de taol’ is prachtig vörmgeven. Het is een
mooi boek met mooie teksten; het is een lees-, blaoder- en naoslagboek; het
is veur de leestaofel, de lessenaor én het nachtkassie.
Lees wieder.
|
Twei neie Drčentse CD’s 24-06-2003
Körsdaogs bint der weer twei aordig schiere Drčentstaolige CD’s oetkommen.
Hoewal… op het spiegelplaotie van de Kopstubbers stiet ok Drengels en dat is
not normal anymore. De neie CD van Harm en Roelof sprek veur zuchzölf: zie
is zo mooi!
|
 |
|
◄◄ Not Normal Anymore – Kopstubbers
Live opneumen in de Ponderosa in Assen op 20 jannewaori 2003.
Zie is zo mooi – Harm
en Roelof
Live opneumen in het seizoen 2002/2003 in de Tamboer in Hoogeveen, in ’t
Oelbret in Daolen en bij Meursing in Börk. ►► |
|
 |
Demopakket Krummels is klaor 10-06-2003
|
 |
|
Krummels is de titel van het lessenpakket waor
Drentse Taol met gangs is. Het oetprebeerpakket met tien lessen in verschillende
streektaolvarianten is klaor! Saomen met een groep vrijwilligers is der in de
ofgelopen periode haard warkt an de totstandkomming. Liedties, verhaolen,
gedichten en warkblaoden in een lösblaodig pakket met alle teksten op CD. Wij
hoopt dat meugelijke subsidieverstrekkers net zo enthousiast bint as wij. Intied
dat de subsidie-anvraoges bij verschillende organisaties ligt, giet de warkgroep
op volle kracht deur met het maoken van de aandere lessen.
Aj de opzet van het totaole pakket weten wilt, moej maor ies
wieder lezen.
Intied hef het Prins Bernhard Cultuurfonds
€ 5.000,00 ter beschikking steld. Wij bint daor slim wies met! |
Prissentaotie 'Geschiedenis van de Drentse Literatuur, 1816-1956'
13-05-2003
Henk Nijkeuter studeerde Nederlands en geschiedenis en is
boetendes opleid tot archivaris an de Rijksarchiefschool in Den Haag. Meer as
tien jaor hef Henk feiten, naomen en bronnen verzaomeld, dingen oetplozen,
metershoge staopels literatuur lezen. Zien bevindings hef e neerlegd in het
proefschrift 'De pen gewijd aan Drenthe’s dierbren grond. Literaire
bedrijvingheid in de Olde Lantschap, 1816-1956'.
De handelseditie van bovenstaond proefschrift is op 23
mei körsleden prissenteerd in hotel Braams in Gieten. Der was een mini-symposium en het eerste exemplaor weur anbeuden an Douwe Huizing,
directeur van het Drents Archief.
‘Geschiedenis van de Drentse Literatuur, 1816 – 1956’ is
een onmisbaor naoslagwark veur elkenien met interesse veur de letterkunde van
oeze previncie. Het boek bestiet oet maor liefst 840 bladziedes, hef een haard
kaft en kost € 59,00.
Speulen met poppen 27-03-2003
Maondag 24 meert körsleden hebt de kinder van de groepen 1
t/m 4 van de openbare basisschoel ‘De Anwende’ in Aalden genieten kunt van het
poppenspel ‘Josie de slak’. Mathilde Benak voerde dit spel op in ‘t kader van de
prissentaotie van de prejektmap ‘Speulen met poppen’.
Deur middel van poppenspel kan de meester of juf hiel makkelk aandacht geven an
tweitaoligheid. As veurbield is bovennuumd spel ‘Josie de slak’ opvoerd, maor
het kan nog op veul meer manieren; met sokpoppen, gekochte knuffels, zelfmaokte
siepeltrienen van papiermaché of hoe dan ok.
Schoelen die belangstelling hebt, kunt het prejektmappie gratis opvraogen bij
Drentse Taol (0592 381172.
► Foto's
|
 |
 |
|
Terug naar Beilen 22-04-2003
Dirk Wolthekker hef een biografie
schreven over zien opa: Jan Egberts Eleveld (1900-1936): Terug naar Beilen.
As undertitel kreeg het boek met: 'Leven en dood van een rode wethouder'.
Veur mensen die belangstelling hebt veur geschiedenis in 't algemien en die
van Beilen in 't biezunder een schier boek. Het boek kost
€ 16,50 en is te koop bij elke goeie
boekhandel. Het boek is niet schreven in de Drčentse taol. Oetgever is
Balans oet Amsterdam.
|
Neie Drčentstaolige roman: ‘Schoeltied’ van Lukas Koops 1818-03-2003
Op 13 meert is in café ‘De Amer’
in Amen het neie boek van Lukas Koops prissenteerd. Het eerste exemplaor van
‘Schoeltied’ is anbeuden an wetholder Polman van de gemiente Aa en Hunze.
Het boek is baseerd op de verwikkelings die der in Grol west bint toen daor
an het begun van de negentiger jaoren van de veurige ieuw een nei
schoelhoofd kommen mus. Schoeltied is evenwal gien historisch verslag van de
gebeurtenissen van toen. Waorheid en fictie loopt deur mekaor hen.
In
de leste Roet hef een
veurpublicaotie staon. 'Schoeltied' kost € 12,50. |
Neie spiegelplaot van ‘Mooi Wark’
25-02-2003
‘Mooi Wark’, bestaonde oet Bert Koops, William Bossong, Arnold Kuik en Jasper
Dam, hebt een nei album klaor. Op ien meert ankommend is de prissentaotie in
café ‘De haven’ in Schoonoord.
Lees wieder.
◄
weerum naor het thoesblad
