Janny Kok-Wolbers hef van jongs aof an Drčentse oetdrukkings en zegswiezen opbewaord. Zij hef der noe al een stuk of zeuvendoezend. Stichting Het Drentse Boek hef der veerhonderd van oetkozen en daor een mooi booukie van maokt.

Op woensdag 26 mei weur ’t booukie prissenteerd in ’t pankooukeneethoes ’t Achterhoes. Elkeneein was ’t er over eeins dat ’t een schier booukie worden is, maor aj ’t booukie vergelieken met wat er in ’t Grunnings verschenen is, dan is ’t haost jammer dat ’t booukie niet wat dikker worden is. Een paor sprekers hebben de hoop oetsproken dat ’t der in de tooukomst nog van kommen zal.