Elkeneein kent vanzölf de Drčentstaolige meziek van Harm en Roelof en Egbert Meyers. Mor de Drentse Taol is ok best te bruken veur een black metal band as de Salacious gods oet Weiteveen. Op heur webstee www.salaciousgods.com kuj ok een stuk of wat van heur Drčentse teksten beluustern. Hieronder kuj wat lezen.

Zunnevot

De zunne’s licht brandt vies op mien huud
Ik hekel dat licht as de pest
Bie ’t keerselicht zitten te kniezen is mien lot
Zunnevot!
’T valt mie zo zwaor om de zunne te zien
Ik heb liever eeuwig duuster en piene
Snode plannen in de maoneschiene
Zunnevot!

Knekelvoeste

Beneveld deur de foezel in mien bloed,
graop ik ’t vlees van mien voeste.

Knagen en knauwen as ’n ratte aan rot vlees,
ak de verdoemenis in de ogen van de duvel lees

As de vredesdoeve ontdaon wordt van zien veren,
schient de duvel ‘t hellelicht uut zien lanteern.

Gesnister uut ’t kreupelholt is wat ik heur,
’t liek dat der lig gef ’n gloepends vieze meur.

Voesten moeten hard en knokkelig wezen.
De laomer van christ staon in de riege,
Wacht maor, da’k ze in mien knekels kriege!

Botten zunder pezen
Botten zunder vlees
Wapens in ’t duuster
Geven meer kwelling en kwaod

Ieskaold in piene

Ze kommen, duustere engeln met ’n wens veur piene.
Vlerken uutspreid, duuster tegen de maoneschiene.
Deursteken de nachtlucht met een zweerd van ies,
’n nagel an mien kiste in ’t aovendrood zo vies.

Ieskold in piene
Naodels deur de huud
Ieskold in piene

Ieskold in piene
Bloed in de maoneschiene
Ieskold in piene

As de nevel veur de maone langs jaogt,
verduusterd ’n deken van vlerken de maone.
Een hekeldicht van angstig gefluuster,
begleidt mie, as ik starf in de nacht tweiduuster.

Ieskold in piene
Starven in de kolde
Ieskold in piene

Ieskold in piene
In ’n zwarte kiste
Ieskold in piene

Gans allenig vuul ik de kolde kommen,
’t vret an mie as vuur aan aske.
Stillegies heur ik mien grafstiene fluustern;
“met dood en ziekte bust du beter af”

Ieskold in piene
De dood integen
Ieskold in piene

Ieskold in piene
Lieken op een staopel
Ieskold in piene

Duustere engeln hebben heur wark daone,
kroepen over de grond, graaiend in ’t bloed.
Knekelige klauwen om mien kraoge,
mien leste aodem en de dood is zoet

Starven in de kolde
In ’n zwarte kiste
Ieskold in piene

Striemen op de pokkel 1227

Heilige riddergies
op witte peerden
riedend uut westen
in naom van de grote Lippe

wiezend naor 't oosten
grote kruus van de biebel onder de armen

striedend met haoken en bielen, stiegende scharpe zweerden
't geluud van starvend vlees over de uutgestrekte vlakten
wegzakt in de blubber en afslacht as schaopies, allent deur de Drentse nevel

Striemen op de pokkel
zien ziel onder de armen
stiekeldraod um de kop
wat bielen in de rugge
een stok in de reet
in 't veen liggen te rotten

Heilige riddergies
op witte peerden
riedend uut westen
in naom van de grote Lippe
wiezend noar 't oosten
grote kruus van de biebel
striedend met haoken en bielen, stiegende scharpe zweerden
wegzakt in de blubber en afslacht as schaopies, allent deur de Drentse nevel

◄ weerum naor het thoesblad